+7 (701) 759 90 19
USD 412.55 EUR 465.73
RUB 5.79 CNY 58.91
Jańalyqtar

Aqtóbeniń ákimi qalany múgedekter arbasymen aralap shyqty

2020 jylǵy 27 mamyr 22:26
Bólisińiz:
Aqtóbeniń ákimi qalany múgedekter arbasymen aralap shyqty

AQTÓBE. QazAqparat – Aqtóbe qalasynyń ákimi múmkindigi shekteýli jandarmen kezdesip, qalany qolarbamen aralap shyqty, dep habarlaıdy QazAqparat tilshisi.

Aqtóbe qalasynda jol jóndeý, júrginshiler jolyn salý qarqyn aldy. Bul jobalardyń basym bóliginde qolarbamen qozǵalatyn adamdardyń suranysy eskerýsiz qalǵan. Olqylyqty «Pandýs OK» JShS basshysy, qalalyq qoǵamdyq keńes múshesi Shahan Joldasbaev qala ákimine aıtty.


«Ózim qolarbamen júremin. Jınalystarda ákimge eskertý berip, aıtqan edim. Ol ózi kórip, qarap, synaqtan ótkizýge ýáde berdi. Men bar ómirimdi múmkindigi shekteýli adamdardyń qozǵalysyn jeńildetýge arnadym. Eýropa elderi sekildi kedergisiz júrip, kez kelgen áleýmettik nysanǵa kirýdi qalaımyz. Árqaısysynyń óz talaby, erejesi bar. Sol eskerilse, adamdarmen aralasý bizderge jeńildeıdi», - dedi Sh.Joldasbaev.


Aıta keteıik, Aqtóbe qalasynda 12 myńnan astam múmkindigi shekteýli jan bar. Olardyń 2 myńnan astamy balady. Bıyl qaladaǵy «Invataksı» qyzmetine jergilikti bıýdjetten 39 mıllıon teńgeden astam qarjy bólingen. Barlyǵy 12 kólik tasymaldaýmen aınalysady.

«Qaladaǵy áleýmettik nysandardyń da talapqa saı bolmaǵany anyqtaldy. Tipti memlekettik mekemelerde de múmkindigi shekteýli jandarǵa qoljetimsiz eken. Ózim arbaǵa otyryp, biraz jerdi araladym. Ár kedergini anyq kórip, sezinip, qınalyp otyrmyn. Barlyq kópqabatty úıge pandýs salyp, jıektastardyń kedergilerin joıý qajet eken. Aldaǵy ýaqytta karta jasalady. Arnaıy monıtorıng top sheshim shyǵarady. Adamı iske kóp aqsha da qajet emes. Bul bizdiń qateligimiz», - dedi qala ákimi Ashat Shaharov. Aldymen eskertý berilip, keıin aıyppul salynady.



Bizdiń kanalymyzǵa jazylyńyz:

Bólisińiz:

Avtor:

Altynaı Saǵyndyqova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059

MURAǴAT