+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Aqtóbelik ustazdar jol apatynan qaza tapqan mektep dırektorlaryn eske aldy

2021 jylǵy 21 maýsym 14:15
Bólisińiz:
Aqtóbelik ustazdar jol apatynan qaza tapqan mektep dırektorlaryn eske aldy

AQTÓBE. QazAqparat - Aqtóbelik ustazdar №20 mektep dırektory Baǵdat Ýrýmbaeva jáne №33 mektep dırektory Almıra Oraqovany eske aldy, dep habarlaıdy QazAqparat tilshisi.

Búgin №20 mektep dırektory Baǵdat Ýrýmbaeva jáne №33 mektep dırektory Almıra Oraqovany áriptesteri eske aldy. Olardyń fotosyn mektep dálizine qoıyp, estelikterin bólisti.

«Men 2016 jyly mektep dırektorlarynyń respýblıkalyq biliktiligin arttyrý kýrsynda kezdestim. Ol bilikti basshy, talapshyl, ádil boldy. Ujymdaǵy ár adamǵa teń qarady. Qımaımyz. Almıra Oraqova buǵan deıin birneshe kolledjde dırektor, birneshe mektepte dırektordyń orynbasary qyzmetterin atqardy, - dedi №33 mekteptiń muǵalimi Orazbaı Ulqabaı.

Qalalyq bilim bóliminiń basshysy da bilim berý salasynyń damýyna úles qosqan qos dırektordyń eńbegin atap ótti.

«Bolashaq urpaqtyń bilim berý isinde eren eńbek etip,mektep jumysyn sheber úılestirip, ustaz únine, ata-ana usynysyna úlken jaýapkershilikpen qaraǵan, shyǵarmashyl, izdenimpaz, jeńimpaz shákirt tárbıeleýde eren eńbek etken áriptesterimiz № 20 orta mektep-lıtseıiniń dırektory Ýrýmbaeva Baǵdad Aısultanqyzy men № 33 orta mektebiniń dırektory Orakova Almıra Shaharbekqyzy kenetten ómirden ótti. Olar biz úshin tek áriptes qana emes, úlgili ana, meıirimdi jan, aqylshy dos, úlken júrekti jany jaısań azamatshalar boldy. Alla olardyń janyna tynyshtyq berip, jánnattyq etsin. Bul orny tolmas qazada áriptesterimizdiń otbasyna qaıǵylaryńyzǵa shyn júrekten ortaqtastyǵymdy bildirgim keledi. Bilim salasyna, onyń ishinde Aqtóbe qalasynyń bilim deńgeıin kóterýde sińirgen zor eńbekteri jadymyzda máńgi saqtalady»,-dedi Aqtóbe qalalyq bilim bóliminiń basshysy Metkúl Qosymbaeva.

Eske salsaq, Oıyl-Qobda tasjolynda kólik aýdarylyp, eki mektep dırektory oqıǵa ornynda kóz jumdy.

Taǵy ekeýi aýrýhanada jatyr.


Bizdiń kanalymyzǵa jazylyńyz:

Bólisińiz:

Avtor:

Altynaı Saǵyndyqova

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059

MURAǴAT