+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Aqtóbelik ónertapqysh taýarlaryn ótkize almaı júr

2019 jylǵy 8 jeltoqsan 16:28
Bólisińiz:
Aqtóbelik ónertapqysh taýarlaryn ótkize almaı júr

AQTÓBE. QazAqparat – Aqtóbe qalasynyń turǵyny Asqar Qaldybaev múgedekterge, naýqastarǵa arnalǵan jıhaz ben ońaltý qurylǵylaryn jasaıdy. Ónertaptysh 8 patent alǵanymen, taýar satýda qıyndyqqa tap boldy, dep habarlaıdy QazAqparat tilshisi.

Uqsas jańalyqtar
Elektrondyq saýdada jumys isteıtin kásipkerlerdi daıyndaımyz - Saýda vıtse-mınıstri Ortaq platforma arqyly aýyl sharýashylyǵy men iri saýda jelileri baılanys ornatty - Ásel Janasova «Qymbat jandar»: Joǵalǵan jandary izdeýge arnalǵan telejoba efırge shyǵady

2015 jyly jańa is bastaǵan ІІІ top múgedegi Asqar Qaldybaev múmkindigi shekteýli jandarǵa arnalǵan ońaltý qurylǵylaryn, ústelder men emdeý mekemelerine qajetti jıhazdar shyǵara bastady. Bir ózi yńǵaıly zattardyń bárine qujat jınap, patenttep alǵan. Alǵashynda kásipker emdeý mekemelerine taýaryn tanystyryp, tapsyrystar aldy, keıin jumys múlde júrmeı qalǵan.

«Kásipti jandandyrý úshin biz nesıe alyp, páterimizdi kepilge qoıǵan bolatynbyz. Biraq bizdiń isimiz alǵa baspaı, baspanamyzdan aıyrylyp qaldyq. Qoımada zat daıyn, satylmaıdy. Ózim Aýǵan soǵysynyń ardagerimin, áıelim de múgedek. Ózge qalalardan tapsyrys bolǵanymen ony jetkizý qıyn. Biz shyǵaratyn taýardyń bári múgedekterdiń qımyl-qozǵalysyna yńǵaıly, tósek tartyp jatqan naýqastarǵa tıimdi. Biraq ózim oılap tapqan dúnıeler qazir shań basyp, qoımada jatyr», - dedi Asqar Qaldybaev.

Qazirgi kezde densaýlyq saqtaý mekemeleri ózderine qajetti jıhazdy túgendep jatyr. Jyl sońynda únemdelgen qarjy esebinen tapsyrys beredi.

«Kásipker medıtsınalyq jıhaz, múmkindigi shekteýli balalarǵa arnalǵan túrli zattar shyǵarady. 2015-2019 jyldar arasynda mundaı taýardy satyp alýǵa 37 mıllıon teńgeden astam qarjy jumsaldy. Kásipker qoldaý kórsetý maqsatynda bizge jolyǵyp, usynysyn aıtty. Qazir emdeý mekemelerine habar berip, olardyń suranysyn zerdelep jatyrmyz. Aýdandyq, qalalyq aýrýhanada 1 mıllıon teńgeniń jıhazyna suranys bar. Únemdelgen qarjy esebinen bıyl alamyz. Keler jyly da tapsyrys beriledi», - dedi oblystyq densaýlyq saqtaý basqarmasynyń basshysy Áset Qalıev.

Bizdiń kanalymyzǵa jazylyńyz:

Bólisińiz:

Avtor:

Altynaı Saǵyndyqova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT