+7 (701) 759 90 19
USD 387.37 EUR 428.55
RUB 6.06 CNY 55.06
Jańalyqtar

Aqtóbelik oqýshylar jedel qyzmet kórsetýge arnalǵan mobıldi qosymshany menshiktep aldy

2019 jylǵy 19 qazan 11:57
Bólisińiz:
Aqtóbelik oqýshylar jedel qyzmet kórsetýge arnalǵan mobıldi qosymshany menshiktep aldy

AQTÓBE. QazAqparat - Nazarbaev zııatkerlik mektebiniń oqýshylary mobıldi qosymsha úshin avtorlyq quqyqqa ıe boldy, dep habarlaıdy QazAqparat tilshisi.

Uqsas jańalyqtar
Dáýren Abaev daryndy oqýshylardy atady Tulpar minip, tý alǵan: Qobylandy batyr jyryn jattaǵan oqýshy mıllıoner boldy Pavlodar oblysynda 1-4 synyptarǵa tegin ystyq tamaq beriledi

«DeRey» mobıldi qosymshasyn Ámına Toǵaı, Aıjan Ǵubaıdolla, Aqmaral Qabıeva jáne Dına Dáýletalına jasady. Jańa qosymsha tótenshe jaǵdaılar qyzmetine qońyraý shalýdy jedeldetedi ári dáldikti qamtamasyz etedi. «Ekranda qajetti qyzmetti tańdap, qońyraýdyń sebebin kórsetý kerek. Sol kezde ornalasqan jeri avtomatty túrde anyqtalady nemese mekenjaıdy engizýge de bolady. Nátıjesinde ótinish qabyldanyp, kóp uzamaı arnaıy qyzmetter kómekke keledi. Bir jyl buryn Aqtóbede jedel járdem kelgenge deıin jeti jasar qyz qaıtys bolǵan edi. Sol kezde dıspetcher qońyraýdyń jedeldigin qate anyqtaǵan. Osydan keıin bizde adam faktorynyń qaýpin múmkindiginshe joıýǵa bolatyn qosymshany oılap tabý ıdeıasy paıda boldy», – dedi Ámına Toǵaı. Jobany qurastyrýshylar jumys barysynda bul qosymshanyń sóıleý qabileti buzylǵan adamdar úshin mańyzdy ekenin atap ótti. «Tili múkis adamdar kómek suraǵan kezde olardy kóbine túsine bermeımiz. Qosymshanyń kómegimen paıdalanýshy máseleni ózi sheshe alady», – dedi Aıjan Ǵubaıdolla. Joba jedel járdem qyzmetkerlerine jáne paıdalanýshylarǵa arnalǵan eki qosymshadan, jeke veb-saıttan, sondaı-aq barlyq aqparat saqtalatyn málimetter bazasynan turady. Zııatkerlik mekteptiń baspasóz qyzmetiniń habarlaýynsha, aldaǵy ýaqytta oqýshy qyzdar deneniń 3D modeli men Expert system sııaqty qosymsha múmkindikter qosýdy josparlap otyr. Expert system – tótenshe jaǵdaılar qyzmeti kelgenge deıin isteýge bolatyn jáne bolmaıtyn nusqaýlyqtar men keńester jazylǵan júıe. Joba zııatkerlik mekteptiń ınformatıka páni muǵalimi Asqar Bederdiń jetekshiligimen júzege asyrylýda. «Jobany bastaý úshin ártúrli qyzmettermen yntymaqtastyq qajet. Qazirgi ýaqytta bir emhanamen kelisim bar», - dedi joba menedjeri Asqar Beder. Ideıa avtorlarynyń biri Dına Dáýletalınanyń aıtýynsha, olar ǵalamtorǵa kirmeı, qosymshany paıdalana alatyndaı arnaıy múmkindik beretin kompanııalarmen jumys isteýdi maqsat etip otyr.


Bizdiń kanalymyzǵa jazylyńyz:

Bólisińiz:

Avtor:

Altynaı Saǵyndyqova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059

MURAǴAT