Aqtóbelik oqýshy halyqaralyq olımpıadada altyn medal aldy
2022 jylǵy 30 maýsym 21:34

Aqtóbelik oqýshy halyqaralyq olımpıadada altyn medal aldy

AQTÓBE. QazAqparat - Aqtóbedegi Nazarbaev zııatkerlik mektebiniń oqýshysy Sanjar Hamıtov EGeO - 2022 olımpıadasynyń altyn medalin jeńip aldy, dep habarlaıdy QazAqparat tilshisi.

Aqtóbelik NIS oqýshysy Sanjar Hamıtov el tarıhynda tuńǵysh ret geografııadan EGeO - 2022 Eýropalyq olımpıadasynyń altyn medalin jeńip aldy. 11-synyp oqýshysy 16-19 jas aralyǵyndaǵy joǵary lıga qatysýshylary arasynda absolıýtti jeńimpaz atandy.

«Geografııa álemdi tanýǵa kómektesedi. Bir ǵana pán arqyly aspan álemin, planetalardy, ýaqyt pen keńistikti zerttep, zerdeleýge bolady. Geografııaǵa úńilgen saıyn tanymym keńeıip, túrli elge «saıahattap» ta ketemin. Mundaı jarysqa qatysqan kezde aldyn ala daıyndalyp, óz bilimimdi tolyqtyramyn. Nátıjesi ózimdi de, jaqyndarymdy da qýantty. Olımpıadaǵa keler bolsam, alǵashqy týrda karta berdi. Ondaǵy eldiń ornalasýy, damýy týraly aıtyp berdim. Damý jolyn da mysalǵa keltirýge bolady. Mýltımedıalyq týrda ár suraqqa jaýap berýge 30 sek ýaqyt bóldi. Barlyǵy 40 suraq boldy. Úshinshi týrda ulttyq parkti saqtaý joldaryn aıtyp berdik. Týrızmdi damytý joly da nazardan tys qalmady. Suraq bolsa, biz onyń sheshimin aıtyp, usynysymyzdy bildirdik», – deıdi EGeO-2022 altyn medaliniń ıegeri Sanjar Hamıtov. Buǵan deıin ol geografııa páninen respýblıkalyq, jelilik olımpıadalardyń altyn medaldaryn jeńip alǵan. Aıta keteıik, Sanjardyń jattyqtyrýshysy Aqtóbedegi zııatkerlik mekteptiń túlegi, ІGeO-2021 halyqaralyq geografııalyq olımpıadasynyń jeńimpazy Rýstam Valeev.

«Olımpıada úsh týrdan turdy. Olar: jazbasha, mýltımedııalyq, dalalyq. Barlyq týrda Sanjar jaqsy nátıje kórsetti. Bul jolǵa jetý úshin ol talaı eńbek etti. Teorııalyq bilimin tájirıbemen ushtastyrdy. Taǵy bir qýantarlyǵy, barlyq qatysýshyǵa qaraǵanda Sanjar aǵylshyn tilin joǵary deńgeıde meńgergenin kórsetti»,–dep atap ótti Rýstam Valeev. Bul olımpıada 24-29 maýsym aralyǵynda onlaın formatta ótti. Oǵan Belarýs, Reseı, Ázirbaıjan, Lıtva, Latvııa, Estonııa, Serbııa, Slovenııa, Qazaqstan, Rýmynııa, Chehııa, Bolgarııa, Bosnııa jáne Gertsegovına elderinen 111 bilimdi jas qatysty. Endi Sanjar Hamıtov ІGeOjáne IESO halyqaralyq olımpıadalaryna qatysady.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT