+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Aqtóbelik arheologtar qazba jumysy kezinde biregeı zattardy tapty

2021 jylǵy 27 maýsym 00:13
Bólisińiz:
Aqtóbelik arheologtar qazba jumysy kezinde biregeı zattardy tapty

AQTÓBE. QazAqparat - Aqtóbe oblystyq tarıhı-ólketaný mýzeıiniń arheologtary Qýraıly-3 qorymynda qazba jumysyn júrgizip jatyp, biregeı zattar tapty, dep habarlaıdy QazAqparat tilshisi.

Uqsas jańalyqtar
Aqtóbede joǵalǵan balalar ózen jaǵasynan tabyldy Aqtóbe oblysynda júrgizýshi kóligimen birge ózenge batyp ketti

Ótken ǵasyrdyń 70-jyldary dál osy qorymda qazba jumysy júrgizilgen. Bul arheologtardyń kezekti jumysy.
«Qorym Elek ózininiń sol jaǵalaýynda ornalasqan. Qalaǵa jaqyn degenmen Mártók aýdanynyń aýmaǵyna kiredi. Shamamen b.z.d VI ǵasyrdyń ortasy men V ǵasyrdyń basyna jatady. ıAǵnı, 2 400-2 500 jyl burynǵy eskertkish dep aıtýǵa bolady. Qorymda sol kezderi Elekti boılaı kóshken sarmattar jerlengen. Bıleýshi elıtaǵa tán belgileri bar. Qazba jumystary kezinde bir otbasy jerlengen dep topshaladyq. 8 adamnyń súıegi tabyldy. Kóbi er adam. Súıek qasyq, temirden jasalǵan qanjar men qylysh, qoladan jasalǵan jebe ushy bar. Bir ereksheligi - tabylǵan zattar bir-birine múlde uqsamaıdy. Tipti keıbiri arheologııada alǵash ret tabyldy. Negizgi súıek janynda balalar, jasóspirimder, áıelder jerlengen. Tastan jasalǵan jádiger de bar. Birinde qasqyrdyń basy beınelengen. Qola aına, altyn syrǵa, saqına, qyshtan jasalǵan ydystar tabyldy»,- dedi oblystyq tarıhı-ólketaný mýzeıiniń aǵa ǵylymı qyzmetkeri, arheolog Aslan Mamedov.


Onyń aıtýynsha, jerleý dástúr ózge. Keıbirinde bir, ekinshisinde 3-4 adam súıegi jatyr. Sonymen birge at ábzelderi sırek te bolsa da kezdesedi.


«Qanjar, áshekeı buıymdar da tańqaldyrdy. Áshekeıleri ádemi. Temirden jasalǵan qurbandyq shalatyn ydys ta bar», - dedi arheolog.


Bizdiń kanalymyzǵa jazylyńyz:

Bólisińiz:

Avtor:

Altynaı Saǵyndyqova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT