+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Aqtóbedegi oqýshy ólimi: Qyz ben jigit arasyndaǵy janjal jappaı tóbeleske ulasqan

2019 jylǵy 13 qarasha 14:26
Bólisińiz:
Aqtóbedegi oqýshy ólimi: Qyz ben jigit arasyndaǵy janjal jappaı tóbeleske ulasqan

AQTÓBE. QazAqparat – Oqýshy óliminen soń Qylmystyq kodekstiń «Buzaqylyq», «Adam óltirý» baptary boıynsha is qozǵaldy. Kúdikke ilikkenderdiń bári - oqýshylar men kolledj stýdentteri, dep habarlaıdy QazAqparat tilshisi.

Búgin Aqtóbe oblystyq polıtsııa departamentiniń bastyǵy Atyǵaı Arystanov oqýshy ólimine qatysty jan-jaqty aqparat berdi. Tóbeles oqýshy qyz ben jigit arasyndaǵy qarym-qatynastan soń bolǵan.

«10 qarasha kúni balalar top bolyp tóbeleskenin bilesizder. №61 orta mekteptiń 2004 jylǵy oqýshysy kóz jumdy. Oqıǵa shamamen saǵat 20:00-de Zarechnyı aýylyndaǵy «Jalǵas» dúkeni mańynda boldy. Kámelet jasyna tolmaǵandardyń tóbelesi qyz ben jigit arasyndaǵy qarym-qatynastan bastalǵan eken. Sol mekteptiń 9-synyp oqýshysy qurdasymen sózge kelip, janjaldasyp qalǵan. Al oqýshy qyz tanystaryna shaǵymdanyp, keıin onyń sońy úlken daýǵa aınalyp ketti. Qazirgi kezde kúdiktilerdiń bári ustaldy. Qylmystyq kodekstiń «Buzaqylyq», «Adam óltirý» baptary boıynsha is qozǵalyp, sotaldy tergeý jumystary júrip jatyr», - dedi Aqtóbe oblystyq polıtsııa departamentiniń bastyǵy Atyǵaı Arystanov.

Bul tóbeleske №61 orta mekteptiń 9, 10, 11 synyp oqýshylary, M.Aryn atyndaǵy mekteptiń shákirtteri qatysqan. Kolledj stýdentteri de bar. Sol kúni 15 jastaǵy jábirlenýshini jappaı tóbeleske qatysqan jasóspirimder aýrýhanaǵa jetkizgen. Biraq aýrýhana ishine kirgizbeı, aýlasyna tastap ketken.

«Qaıǵyly oqıǵadan soń da bir jasóspirim aýlada turǵan ákesiniń kóligin aıdap ketip, jábirlenýshini aýrýhanaǵa aparmaq bolǵan. Temirjol aýrýhanasyna aparyp, sol mańǵa tastap ketken. Ózderin polıtsııa qyzmetkerleri ustap aldy. Rólde kámelet jasyna tolmaǵan №61 mekteptiń 11-synyp oqýshysy otyrǵan. Ákesi bilmegen, otbasyna aıtpaǵan», - dedi Atyǵaı Arystanov.

Polıtsııa bastyǵy ata-analardan balalaryn baqylaýsyz qaldyrmaýdy surady. Ásirese keshkisin úıden shyǵarmaǵan abzal.

«Oqýshy ólimine qatysty Aqtóbe avtojol kolledjiniń 17 jastaǵy stýdenti qamaýǵa alyndy. Onyń janynda dostary da bolǵan. Bireýi - kolledj stýdenti, ekinshisi - M.Aryn atyndaǵy orta mekteptiń 11-synyp oqýshysy», - dedi polıtsııa bastyǵy.

Eske salsaq, Aqtóbede kámelet jasyna tolmaǵan balalar arasynda tóbeles bolyp, bireýi kóz jumdy, taǵy ekeýi pyshaq jaraqatyn aldy.

Bizdiń kanalymyzǵa jazylyńyz:

Bólisińiz:

Avtor:

Altynaı Saǵyndyqova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT