Aqtóbedegi oqýshy qyzdar tóbelesi: Qylmystyq is qozǵaldy

AQTÓBE. QazAqparat – Keńqııaq pen Shubarshı aýylyndaǵy oqýshy qyzdar tóbelesine qatysty tergeý bastalyp, qylmystyq is qozǵaldy, dep habarlaıdy QazAqparat tilshisi.

Uqsas jańalyqtar

Oralda bazarda 2 júk tıeýshi tóbelesip, bireýi jansaqtaý bólimine tústi

SQO-da kombınatqa basyp kirip, jumysshylardy pyshaqtaǵan jeteý sottaldy

Aıta keteıik, keshe Aqtóbe oblysy Temir aýdany Shubarshı aýylynda mektep oqýshylary tóbelesti. Olardyń kim ekeni anyqtalǵan. Bári - 8-9 synyp oqýshylary.

Aralarynda janjal bolyp, biri ony telefon kamerasyna túsirip alǵan.

«Mektep oqýshylarynyń biri 8-synyp oqýshysyn uryp-soqqan. Oqıǵa ornynda bolǵan qatarlastary ony uıaly telefon kamerasyna túsirip alǵan. Atalǵan fakti negizinde Qylmystyq kodekstiń 293-baby 2-bóligi, ıaǵnı, buzaqylyq deregi boıynsha is tirkelip, sotqa deıingi tergeý júrgizilip jatyr. Bul faktini Temir aýdandyq polıtsııa bóliminiń kámeletke tolmaǵandar isi jónindegi ınspektorlary anyqtady», - dep habarlady oblystyq PD baspasóz qyzmeti.

Qazirgi ýaqytta kámeletke tolmaǵandardyń ata-analaryn balalardy tıisinshe tárbıelemegeni úshin jaýapqa tartý jaıy qaralyp jatyr.

«Ata-analardy balalaryn, ásirese jasóspirimderdi tárbıeleý máselesine jaýapkershilikpen qaraýǵa shaqyramyz. Olar jasaǵan quqyq buzýshylyqtary úshin jaýapqa tartylatynyn bilýi tıis. Sonymen qatar, kámeletke tolmaǵandar isi jónindegi ınspektorlar aýdannyń oqý oryndarynda profılaktıkalyq áńgime júrgizdi», - dep túsindirdi Aqtóbe oblysy PD bastyǵy Atyǵaı Arystanov.