+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Aqtóbedegi áýejaı qaıta jóndeledi

2019 jylǵy 17 mamyr 13:53
Bólisińiz:
Aqtóbedegi áýejaı qaıta jóndeledi

NUR-SULTAN. QazAqparat - Reseılik AEON korporatsııasy Aqtóbe qalasyndaǵy áýejaıdy qaıta jóndeýden ótkizbek, dep habarlaıdy QazAqparat tilshisi.

«Biz jańa ǵana «Qazaq Investpen» Aqtóbe qalasyndaǵy áýejaıdy keshendi túrde qaıta jóndeý boıynsha jobany iske asyrý úshin kelisimge qol qoıdyq. Ol joba boıynsha ushý-qoný jolaǵy qaıta jóndelip, jańa jolaýshylar termınalynyń qurylysy júrgiziledi», - dedi AEON korporatsııasy dırektorlar keńesiniń tóraǵasy Roman Trotsenko AEF aıasynda jahandyq ınvestıtsııa taqyrybynda ótken sessııanyń qorytyndy brıfınginde.

Onyń aıtýynsha, kompanııa qazirgi tańda Reseı aýmaǵyndaǵy 23 mln jolaýshyǵa qyzmet kórsetetin 16 áýejaıǵa ıe bolyp otyr.

«Biz ortasha áýejaılardy damytýǵa, jańa qyzmet túrlerin tabýǵa beıimdelgen kompanııamyz. Aqtóbe - biz úshin qyzyqty núktelerdiń biri. Ol oblysta belsendi ekonomıkalyq jobalar júzege asyrylyp, qýaty tyń óndiristik jobalar iske asyrylýda. Aqtóbeniń jańa áýejaıy jolaýshylar tasymalyn arttyrýǵa septigin tıgizer degen senimdemiz», - deıdi Roman Trotsenko.

Aıta ketsek, AEF-tiń búgingi sessııasynyń qorytyndy brıfınginde birshama ınvestıtsııalyq kelisimderge qol qoıylady. Atap aıtqanda, tyń memorandýmdarǵa sáıkes, reseılik kompanııa Túrkistanda 500 gektarlyq jylyjaı salýdy kózdese, túrkııalyq «Yildirim Holding» kompanııasy Jambyl oblysynda kaltsıı qosylǵan soda zaýytyn turǵyzbaq.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059

MURAǴAT