Aqtóbede jol erejesin buzǵan polıtseıge qatysty tekserý bastaldy

AQTÓBE. QazAqparat – Aqtóbede respýblıkalyq mańyzy bar tasjolda jol erejesin buzǵan polıtsııa qyzmetkerine qatysty tekser bastaldy, dep habarlaıdy QazAqparat tilshisi.

Oqıǵa Samara-Shymkent tasjolynda bolǵan. Áleýmettik jelige jarııalanǵan beınematerıaldan polıtsııa qyzmetkeri kóliginiń qaıta-qaıta qarsy betke shyǵyp ketkeni anyq kórinedi. Sonymen birge birneshe ret óz ómiri men ózgege qaýip tóndirip, sońynda jol boıynan shyǵyp ketken.

Osy oqıǵaǵa qatysty oblystyq polıtsııa departamenti túsinik berdi.

«Atalǵan jaıt boıynsha qyzmettik tekserý bastaldy. Vıdeoda jol erejesiniń buzylǵany kórinedi. Ýaqyty anyqtalyp, keıin qyzmetker zańǵa sáıkes ákimshilik jaýapqa tartylady», - dedi oblystyq PD baspasóz qyzmeti.