Aqtóbede jol apatynan soń bir otbasynyń bes adamy aýrýhanaǵa tústi
2022 jylǵy 29 maýsym 19:46

Aqtóbede jol apatynan soń bir otbasynyń bes adamy aýrýhanaǵa tústi

AQTÓBE. QazAqparat – Aqtóbede jeńil jáne júk kóligi soqtyǵysty. Saldarynan erli-zaıypty men úsh balasy aýrýhanaǵa tústi, dep habarlaıdy QazAqparat tilshisi.

Oqıǵa Samara-Shymkent tasjolynyń Yrǵyz aýdany, Qumtoǵaı aýyly mańynda boldy.

«Mersedes AMG» avtokóliginiń 55 jastaǵy júrgizýshisi qarsy qozǵalysqa arnalǵan jolaqqa shyǵyp, «DAF» júk kóligimen soqtyǵysqan.

«Saldarynan «Mersedes AMG» avtokóliginiń júrgizýshisi, áıeli men kámeletke tolmaǵan úsh balasy (2020, 2014, 2012 jyly týǵan) túrli jaraqatpen medıtsınalyq mekemege jatqyzyldy. Jol-kólik oqıǵasy boıynsha QR QK 345-baby 2-bóligi boıynsha sotqa deıingi tergeý bastaldy. Polıtsııa departamenti sharshaǵan júrgizýshi joldaǵy qaýiptiń kózi ekenin eske salady», - dedi oblystyq PD baspasóz qyzmetiniń jetekshisi Erbolat Sarqulov.

Aıta keteıik, Aqtóbede «ZAZ-Shans» avtokóliginiń 55 jastaǵy júrgizýshisi, Qýraıly kentiniń turǵyny Alǵa aýdanynda jaı jolmen júrip, rýldi basqara almaı qalǵan. Saldarynan Qaraqobda ózenine aýdarylyp ketken . Kólik ishine sý tolyp, júrgizýshi qaza tapty.

Sonymen birge «Samara-Shymkent tasjolynda «Hovo« markaly júk kóligi jyldamdyqty báseńdetpeı, №21 baǵyttaǵy avtobýsqa soqtyǵysty.

Sol kezde avtobýsta 45 jolaýshy bolǵan. №21 baǵyttaǵy avtobýs qozǵalyp, ol №45 baǵyttaǵy avtobýsqa soqtyqty.

Onda 33 jolaýshy bolǵan. Jol-kólik apatynan keıin jeti jolaýshy túrli dene jaraqatymen jedel járdem aýrýhanasyna tústi.


Uqsas jańalyqtar

Jańalyqtar

Úrdis

MURAǴAT