Aqtóbede joǵalǵan geologtar aman-esen tabyldy
2021 jylǵy 27 qarasha 17:43

Aqtóbede joǵalǵan geologtar aman-esen tabyldy

AQTÓBE. QazAqparat - Aqtóbede joǵalǵan geologtar tabyldy. Olardy jaǵdaıy jaqsy, dep habarlaıdy QazAqparat tilshisi.

Aqtóbe oblystyq TJD baspasóz qyzmetiniń habarlaýynsha, iz-túzsiz ketken geologtar qystaqtan tabyldy.

«Búgin saǵat 14:50-de joǵalyp ketken geologtar baılanysqa shyǵyp, «Qısyqsaı» qystaǵynan aman-esen tabyldy. Jaǵdaılary jaqsy, medıtsınalyq kómek qajet bolmady. Qazirgi ýaqytta tabylǵan 4 geolog Áıteke bı aýdanynyń Qarabutaq aýylyna jetkizilýde«,-dep habarlady oblystyq TJD baspasóz qyzmeti.

Aıta keteıik, 26 qarashadan bastap geologtarǵa izdeý jarııalandy. Olar 25-qarasha kúni sońǵy ret baılanysqa shyǵyp, keıin habar-osharsyz qalǵan. Quramynda 33 adam jáne 8 birlik tehnıkadan turatyn 5 izdeý toby jumyldyryldy. Al búgin avıa izdeý úshin TJM «Qazavıaqutqarý» AQ evrokopteri (Aqtóbe-Qumsaı-Qaıraqty-Qaıyńdy-Mılysaı-Araltoǵaı) ushty.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT