+7 (701) 759 90 19
USD 445.84 EUR 490.47
RUB 5.73 CNY 62.87
Jańalyqtar

Aqtóbede Jeńis kúni aýyl turǵyndary aǵash ekti

2019 jylǵy 10 mamyr 01:39
Bólisińiz:
Aqtóbede Jeńis kúni aýyl turǵyndary aǵash ekti

AQTÓBE. QazAqparat - Aqtóbeniń Alǵa aýdany, Amangeldi aýylynyń turǵyndary Jeńis kúni 800 túp aǵash ekti, dep habarlaıdy QazAqparat tilshisi.

Mereke kúni eńkeıgen kári men eńbektegen bala aýyl syrtyna shyǵyp, aǵash ekti. Amangeldi aýylynyń týmasy kásipker Samat Qaldyǵulov syı jasap, 800 kóshet berdi.

"Aýyldy kórkeıtý maqsatynda birneshe keshendi jumys atqaryldy. Aýyl halqy túgel jınalyp, aǵash ekti. Bul jaqsy istiń bastamasy. Biz aýylǵa kelip, kásip ashamyn degen kez kelgen adamǵa qoldaý bildiremiz. Alǵa aýdany aýyl sharýashylyǵyna qolaıly, sýy men jaryǵy gazy bar. Kásipker jaqsy úlgi kórsetip, aýyldy kógaldandyrý úshin kóshet syılady. Al halyq jumyla kelip, arman-tilekterin aıtyp, ekti. Bolashaqta bul alań úlken demalys ornyna aınalady dep senemiz", - dedi aýdan ákimi Naǵymjan Aldııarov.

Aǵash otyrǵyzýǵa mektep oqýshylarymen qatar tyl ardagerleri, zeınetkerler qatysty.

"Aǵash egip, kópke úlgi bolar is bastadyq. Óz qolymen kóshet otyrǵyzyp, sýarǵan soń balalar da asa qamqor bolady dep oılaımyz. Aldaǵy ýaqytta kútimi jaqsy bolsa aýyl mańy ormanǵa aınalady. Jeńis kúni soǵys ardagerleriniń urpaqtary jaqsy isti qolǵa aldy. Bul jalǵasyn tabýy kerek ", - dedi aýyl turǵyny Beket Jalashev.

Aıta keteıik, Elbasynyń "Aýylym - altyn besigim" jobasy aıasynda mádenı - demalys ortalyǵy, "Ana men bala" saıabaǵy men eskertkish ashyldy.

Bizdiń kanalymyzǵa jazylyńyz:

Bólisińiz:

Avtor:

Altynaı Saǵyndyqova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT