+7 (701) 759 90 19
USD 389.98 EUR 434.01
RUB 6.10 CNY 55.04
Jańalyqtar

Aqtóbede jalǵan dıplommen sabaq bergen kolledj oqytýshylary jumystan qýyldy

2019 jylǵy 17 qyrkúıek 18:26
Bólisińiz:
Aqtóbede jalǵan dıplommen sabaq bergen kolledj oqytýshylary jumystan qýyldy

AQTÓBE. QazAqparat – Aqtóbede jalǵan dıplommen sabaq bergen oqytýshylar jumystan shyǵarylyp, mýzykalyq kolledj ustaz izdep jatyr, dep habarlaıdy QazAqparat tilshisi.

Uqsas jańalyqtar
Aqtóbede 34 muǵalim jalǵan dıplommen balalarǵa sabaq berip kelgen

Aqtóbede pedagogtarynyń jalǵan dıplomdy qaıdan, qanshaǵa satyp alǵany áli belgisiz. Alaıda olardyń keıbiri jumystan shyǵyp ketse, keıbiri ózge dıplomymen qyzmetin jalǵastyryp jatyr.

«Prokýratýra 34 muǵalimniń jalǵan dıplommen jumys istegenin aıtqan soń tekserý bastaldy. Kez kelgen bilim uıymynyń basshysy aldyna kelgen mamandy jumysqa qabyldaǵan kezde dıplomynyń ras nemese jalǵan ekenin anyqtaýǵa mindetti emes, quzyryna kirmeıdi. Olar tek mamandyǵy boıynsha jumysqa qabyldaıdy. Qazirgi kezde anyqtama jumystaryn júrgizip jatyrmyz. Máselen, tizimde A.Jubanov atyndaǵy mýzykalyq kolledjdiń bes oqýtyshysy bar. Olardyń bári 30 jylǵa jýyq ýaqyt sol mekemede eńbek etken, úsheýi - kolledj túlegi, ekeýi Shymkentte oqý bitirgen. Olardyń arnaıy bazalyq bilimi bar. Al ekinshi dıplomy boıynsha tekserý bastaldy», - dedi oblystyq bilim basqarmasy basshysynyń orynbasary Gúlnaz Súleımenova.

Jalǵan dıplommen jumys istegen mektep muǵalimderiniń de arnaıy pedagogıkalyq mamandyǵy bar. Tek ekinshi dıplomy kúdikke ilikken. Olar hımııa, bıologııa, psıhologııa pánderinen sabaq bergen.

«Kóbinde Q.Jubanov atyndaǵy Aqtóbe óńirlik memlekettik ýnıversıtetiniń dıplomy jalǵan bolyp shyqty. Mektep muǵalimderiniń barlyǵy jumystan shyǵarylǵan joq. Keıbiri alǵashqy dıplomymen jumysyn jalǵastyryp jatyr», - dedi Gúlnaz Súleımenova.

Aqtóbe qalasy Almaty aýdandyq prokýratýrasy sotqa deıingi tergep-tekserý jumystary aıaqtalyp, muǵalimderdiń kinási dáleldense Qylmystyq kodekstiń «Jalǵan qujattardy, mórtabandardy, mórlerdi, blankilerdi, memlekettik poshta tólemi belgilerin, memlekettik nagradalardy qoldan jasaý, daıyndaý nemese ótkizý» baby boıynsha is qozǵalyp, jaýapkershilikke tartylatynyn habarlady. Sonymen qatar, dıplom jasap bergender de anyqtalady.

Eske salaıyq, Aqtóbe qalasy Almaty aýdanynyń prokýratýrasy bilim zańnamasynyń qoldanylýyna taldaý júrgizip, jalǵan qujatpen bilim berip kelgen 34 pedagogty anyqtady. Onyń 13-i - mektepke deıingi bilim salasynda, 11-i - orta mektepterde sabaq beredi, 7 adam - kolledj oqytýshysy retinde, 3-eýi - ózge de bilim mekemelerinde eńbek etti.



Bizdiń kanalymyzǵa jazylyńyz:

Bólisińiz:

Avtor:

Altynaı Saǵyndyqova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT