+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Aqtóbede Jalańtós bahadúrge eskertkish ornatyldy

2019 jylǵy 26 qazan 22:34
Bólisińiz:
Aqtóbede Jalańtós bahadúrge eskertkish ornatyldy

AQTÓBE. QazAqparat - Aqtóbe qalasynyń ortalyq kósheleriniń birine Jalańtós batyrdyń urpaqtary eskertkish ornatty, dep habarlaıdy QazAqparat tilshisi oblys ákiminiń baspasóz qyzmetine silteme jasap.

Uqsas jańalyqtar

Oblys ákimi HVI-HVII ǵasyrlarda ómir súrgen qazaq batyry, áskerbasy, Samarqan qalasyna ámirlik júrgizgen Jalańtós bahadúrge arnalǵan eskertkishtiń saltanatty ashylýyna qatysyp, quttyqtaý sóz sóıledi.

Igi sharaǵa Túrkııa, Ázerbaıjan, Reseı Federatsııasy, Ózbekstan memleketteriniń belgili ǵalymdary jáne respýblıkanyń túrli aımaqtarynan tarıhshy ǵalymdar men tanymal tulǵalar, zııaly qaýym ókilderi, Jalańtós bahadúrdiń urpaqtary qatysty.

Saltanatty sharaǵa arnaıy kelgen qurmetti qonaqtar ǵalym Bereket Káribaev, QR Qorǵanys mınıstrliginiń bas shtab bastyǵynyń orynbasary, batyrdyń urpaǵy general-maıor Talas Muhamedjanov, aqyn Svetqalı Nurjanov, Qyzylorda oblysynyń qurmetti azamaty Najmadın Musabaev, QR Májilis depýtaty, aqyn Baqytbek Smaǵul qolbasshy batyrdyń ómirinen syr shertip, tarıhı derekterdi keltirip, rýhty jyrlaryn arnady.

Atalǵan eskertkish «Jalańtós Bahadúr Seıitqululy» qaıyrymdylyq qorynyń qarjysyna salynǵan. Eskertkishke jumsalǵan qarjy kólemi – 110,0 mln teńge. Qoladan quıylǵan eskertkishtiń jalpy bıiktigi 5,15 metr. Eskertkish avtorlary belgili músinshi Toqtar Ermekov jáne Jeńis Jubanqosov.

«Sońǵy jyldary Elbasynyń bastamasymen qalamyzda kóne tarıhtan syr shertetin qoǵam qaıratkerleri men tarıhı tulǵalarǵa - Sárke batyrǵa, Naǵashybaı Shaıkenovke, Bókenbaı batyr Qarabatyrulyna eskertkishter ashyldy. Elimizge eńbegi sińgen 20-dan astam tulǵanyń turǵan úılerine memorıaldy taqta ornatyldy. Aldaǵy ýaqytta Edige batyrǵa, Eset Kókiulyna, Shámshi Qaldaıaqovqa, Mánshúk Mámetovaǵa eskertkish ornatý josparlanǵan. Al búgin ashylyp otyrǵan Jalańtós bahadúr eskertkishi de halqymyzdyń dańqty qolbasshysyna kórsetilgen erekshe qurmeti. Jalańtós bahadúr XVI-XVII ǵasyrdaǵy saıası-áleýmettik jaǵdaıǵa tegeýrindi yqpalyn júrgizgen áıgili jahanger, uly qolbasshy, kóregen strateg, bilikti memleket qaıratkeri retinde tarıhta aty qalǵan uly tulǵa. Halqyna eńbegi sińgen dańqty tulǵalaryna laıyqty qurmet kórsetý, esimin el jadynda qaldyrý – erligimizdiń dańqy, eldigimizdiń nyshany», - dep atap ótti óńir basshysy O.Orazalın.

Bizdiń kanalymyzǵa jazylyńyz:

Bólisińiz:

Avtor:

Altynaı Saǵyndyqova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT