+7 (701) 759 90 19
USD 443.50 EUR 479.47
RUB 5.79 CNY 62.51
Jańalyqtar

Aqtóbede ushqyshtar ekstremaldy jaǵdaıdan aman shyǵý jolyn úırendi

2020 jylǵy 21 aqpan 07:34
Bólisińiz:
Aqtóbede ushqyshtar ekstremaldy jaǵdaıdan aman shyǵý jolyn úırendi

AQTÓBE. QazAqparat - T. Bıgeldınov atyndaǵy Áýe qorǵanysy kúshteri áskerı ınstıtýtynyń jas ushqyshtary ekstremaldy jaǵdaıda tiri qalýdy úırendi, dep habarlaıdy QazAqparat tilshisi.

Ekıpaj komandıri jáne komanda áýe kemesin apatty jaǵdaıda nemese qajet bolǵan kezde tastap ketýi múmkin. Sol shaqta beıtanys jerdi baǵdarlaı bilý, qolda bar quraldardan ýaqytsha qorǵanatyn pana jasaý, ot jaǵyp, tamaq tabý, sý jylytý jáne jaraqattanǵan ekıpaj múshelerine alǵashqy kómek kórsetý qajet.


«Borıs Polevoı tiri qalýdyń tańqalarlyq úlgisin «Naǵyz adam týraly ańyz» kitabynda beınelegen. Basty keıipker - Keńes Odaǵynyń batyry Alekseı Maresev. Ol — barlyq ushqyshtar úshin batyrlyq pen tózimdiliktiń úlgisi.

Ekinshi dúnıejúzilik soǵys kezinde 30 metrlik bıikten qulaǵan Alekseı Maresevtiń eki aıaǵy synǵan. Ol jaqyn mańdaǵy eldimekenge jetý úshin 18 kún boıy qolda bar azyqpen qorektengen. Ańyz ushqyshtyń ómiri — árbir jas ushqyshqa úlgi», - dedi Áýe qorǵanysy kúshteri áskerı ınstıtýty bastyǵynyń orynbasary Asqar Іzbasov.

Onyń aıtýynsha, ushqysh ushaqtyń aqaýyn baıqaǵanda sasqalaqtamaý qajet. Ekıpaj áýede bolǵanda koordınattary, baǵyty, bıiktigi jáne jyldamdyǵy týraly sıgnal beriledi. Osy málimetter boıynsha áýe kemesiniń qulaıtyn aýmaǵyn boljaýǵa múmkindik bar. Bul izdestirý-qutqarý komandasynyń tapsyrmasyn jeńildetedi. Ushaqty nemese tikushaqty tastap keterde ekıpaj músheleri kózben sholý arqyly únemi baqylaý júrgizedi. Jerge túskennen keıin jınalyp, tútindi baǵdarǵa alyp, apat ornyna barady. Áýe kemesiniń janynda mindetterin bóledi, jerdi sholyp shyǵady.


«Tiri qalý sabaqtarynda nusqaýshylardan jas ushqyshtar ydyssyz sý qaınatý, sýdy dáriniń kómegimen tuytý jolyn úırendi. Qardan, muzdan jáne parashıýtten pana qurastyrýdy, jabaıy ańdardy aýlaýǵa arnalǵan tuzaq quryp, alǵashqy kómek kórsetý ádisin meńgerdi. Batys óńiriniń klımattyq jaǵdaılaryn eskere otyryp, jergilikti mekendi baǵdarlaı bilý mańyzdylyǵyna toqtaldy. Osy taqyrypta dáristi aǵa ushqysh, nusqaýshy Talǵat Quljanov oqydy. Ol Aqtóbe oblysynyń erekshe tabıǵı qubylystary týraly, jeldiń baǵyttary men temperatýranyń kúrt ózgerýi jaıyn aıtyp berdi. Sabaq sońynda maıor Talǵat Quljanov qarapaıym ıneden kompas jasaý laıfhagin kórsetti», - dep habarlady áskerı ınstıtýttyń baspasóz qyzmeti.


Áýe qorǵanysy kúshteri áskerı ınstıtýtynda tiri qalý sabaqtary jyl saıyn ótkiziledi. Bul taqyryp avıatsııa mamandary úshin ár kezde ózekti bolyp qala bermek.


Bizdiń kanalymyzǵa jazylyńyz:

Basty sózder: Aqtóbe oblysy, Ásker,
Bólisińiz:

Avtor:

Altynaı Saǵyndyqova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT