+7 (701) 759 90 19
USD 414.46 EUR 451.35
RUB 5.77 CNY 58.12
Jańalyqtar

Aqtóbede turaqtandyrý qoryn toltyrýǵa 80 mln teńge bólindi

2019 jylǵy 15 qazan 14:50
Bólisińiz:
Aqtóbede turaqtandyrý qoryn toltyrýǵa 80 mln teńge bólindi

AQTÓBE. QazAqparat – Turaqtandyrý qoryna bıyl 100 tonna sábiz,100 tonna qyryqqabat, 200 tonna pııaz ben 1400 tonna kartop salynady, dep habarlaıdy QazAqparat tilshisi.

Aqtóbe oblysy boıynsha turaqtandyrý qoryna azyq-túlik pen kókónis jetkizilip jatyr. Qoımaǵa qysta qymbattaıtyn barlyq áleýmettik taýar túri salynady. Osy arqyly jergilikti ákimdik asa qajet azyq-túlik pen kókónistiń baǵasyn baqylaýǵa almaq. Qazirgi ýaqytta «Prıgorodnyı» kókónis saqtaý qoımasyna turaqtandyrý qorynyń ónimi jetkizile bastady. Qorǵa 100 tonna sábiz,100 tonna qyryqqabat, 200 tonna pııaz ben 1 myń 400 tonna kartop salynady. Keıin bul kókónis jeltoqsan men naýryz aılary aralyǵynda «Tabys» kommýnaldyq bazarynda, sondaı-aq shaǵyn bazarlarda satylatyn bolady.

«Jyl ótken saıyn turaqtandyrý qoryna salynatyn kókónis kólemi artyp keledi. Bıyl kartop pen qyryqqabatqa tapsyrys artty. Kókónispen qatar 107 tonna І surypty un, 75 tonna ósimdik maıy, 240 tonna qant jetkiziledi. Kúrish pen qaraqumyq jarmasyn satyp alamyz. Negizi jergilikti jerde óndiriletin kókónistiń bári oblys sharýalarynan alynady. Al ózge áleýmettik taýarlar otandyq kásipkerlerden ákelinedi. Arnaıy dúkenderde baǵa bazardan 15-20 paıyzǵa arzan bolady», -dedi «Aqtóbe» ÁKK agroónerkásip kesheni basqarmasynyń basshysy Ermek Batınov.

Aıta keteıik, «Aqtóbe» ÁKK men sharýa qojalyqtary kóktemde kelisimshartqa qol qoıdy. Kelisim boıynsha satyp alýǵa bólingen qarjynyń 60 paıyzyn kóktemgi egis jumystary kezinde, qalǵan aqysyn kúzgi jıynnan keıin beriledi. Oblystyq turaqtandyrý qoryn qalyptastyrý maqsatynda qurylǵan komıssııa búgin ónimderdiń sapasyn tekserdi.

Bizdiń kanalymyzǵa jazylyńyz:

Bólisińiz:

Avtor:

Altynaı Saǵyndyqova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT