Aqtóbede tekserý komıssııasyn meıramhanaǵa aparǵan basshy tártiptik jazaǵa tartyldy

AQTÓBE. QazAqparat - Muǵaljar aýdandyq bilim bólimi basshysynyń mindetin atqarýshy Erik Buharbaev Ulttyq testileý ortalyǵynan kelgen komıssııa múshelerin qonaqúıge aparyp, meıramhanada tamaqtandyrǵan, dep habarlaıdy QazAqparat tilshisi.

Uqsas jańalyqtar

Memlekettik qyzmetshiler 2021 jyly qandaı deklaratsııa tapsyrýy kerek

Alık Shpekbaev turmystyq jemqorlyqty joıý qadamdaryn atady

Memlekettik qyzmet isteri agenttiginiń Aqtóbe oblysyndaǵy ádep jónindegi keńesiniń kezekten tys otyrysy ótti. Onda QR Bilim jáne ǵylym mınıstrliginiń Ulttyq testileý ortalyǵynan kelgen komıssııa múshelerin kútip alyp, bar jaǵdaıyn jasaǵan Muǵaljar aýdandyq bilim bólimi basshysynyń mindetin atqarýshy Erik Býharbaevqa qatysty tártiptik is qaralady. Іs materıalyna súıensek, 2019 jyldyń 31 mamyry men 7 maýsymynda Muǵaljar aýdany ákiminiń orynbasary Qoblandın mektep dırektorlarynyń qatysýymen UBT ótkizý týraly jınalys jasaıdy. Keıin dırektorlardy bólek alyp qalyp, UBT ortalyǵynan komıssııa keletinin, aýdandaǵy bilim sapasyn ońtaıly sheshý úshin kútip alý sharasyn uıymdastyrýǵa aqsha jınaýǵa nusqaý bergen. Ári mektep dırektorlaryna 100 myń teńgeden jınaýǵa aýyzsha tapsyrma júktegen. Qandyaǵash qalasynyń № 5 orta mektep jáne Embi qalalyq № 4 mektep dırektorlary aýdan ákiminiń orynbasary Qoblandınniń isi zańsyz ekenin túsinip, oǵan qarsy shara qoldaný úshin Sybaılas jemqorlyqqa qarsy is-qımyl agenttiginiń oblystyq departamentine aryz túsiredi. Qazir Qoblandınge qatysty Qylmystyq kodekstiń 362-baby 4-bóligi 3-tarmaǵyna sáıkes tergeý júrip jatyr.

«Erik Buharbaev osy jyldyń maýsym aıynda Ulttyq testileý ortalyǵynan kelgen komıssııany kútip alyp, monshada shomylý, meıramhanada as ishý qyzmetiniń bárin ózine qaryzǵa jazdyrǵan. Sultan qonaq úıiniń ákimshisi Ótemuratova, «Altyn orman» meıramhanasynyń ákimshisi Qazına, Dastarhan meıramhanasy men Nursát monshasynyń ákimshisi Qadyralıeva tapsyrysty aldyn ala bergenin, qyzmet úshin tólenetin aqshany ózine qaryz etip jazdyrýdy suraǵan aıtty. Ol komıssııa múshelerin 18 maýsymda kútip alyp, 22 maýsymǵa deıin birge júrgen«, - dedi Memlekettik qyzmet isteri agenttiginiń oblystyq departament bas mamany Qaırat Akıev.

Muǵaljar aýdandyq bilim bólimi basshysynyń mindetin atqarýshy Erik Býharbaev óz kinásin moıyndaǵanymen, muny qazaqy qonaqjaılylyq dep aıtty.

»14 adamdy kútip alyp, meıramhanaǵa aparyp, esepti óz atyma jazdyrǵanymdy moıyndaımyn. Men buǵan deıin basqa sala qyzmet etken bolatynmyn. Sáýirde bilim bóliminiń orynbasary boldym. Sol kezde UBT daıyndyq júrip jatty. Qarsy alý, birge bolý maǵan júktelgen. Birinshi ret osyndaı jaǵdaıǵa tap boldym«, - dedi Erik Býharbaev.

Ádep keńesi Erik Býharbaevty qyzmetine tolyq saı emes túrindegi eskertý berdi.