+7 (701) 759 90 19
USD 389.98 EUR 434.01
RUB 6.10 CNY 55.04
Jańalyqtar

Aqtóbede suıytylǵan gaz tapshylyǵy máselesiniń negizgi sebebi anyqtaldy

2019 jylǵy 26 tamyz 18:30
Bólisińiz:
Aqtóbede suıytylǵan gaz tapshylyǵy máselesiniń negizgi sebebi anyqtaldy

AQTÓBE. QazAqparat – Aqtóbe oblysyndaǵy suıytylǵan gaz óndiretin eki zaýyt jóndeýden ótti. Sol aralyqta oblys ortalyǵynda gaz tapshylyǵy sezildi, dep habarlaıdy QazAqparat tilshisi.

Aqtóbe oblysynyń ishki naryq suranysyn qamtamasyz etý úshin Energetıka mınıstrligi tamyz aıynda 9 900 tonna suıytylǵan gazdy bóldi. Bul óńir úshin jetkilikti. Sebebi táýligine 340 tonna gaz qajet.

«Tamyz aıynda eki óndirýshi zaýyt josparly jóndeýden ótti. «Qazaq Oıl Aqtóbe» JShS 10 kúnge (10-20 tamyz aralyǵynda) jáne «SNPS – Aqtóbemunaıgaz» AQ-y 4 kúnge «19-23 tamyz aralyǵynda» toqtady. Al qazirgi ýaqytta oblysta 7 gaz jelisi jumys isteıdi. Onyń beseýinde saqtaý parki bar. «AZS Lıder» JShS 700 tonna, «Elaman» JShS 300 tonna, «AS Gaz Logıstık» JShS 320 tonna jáne Muǵaljar aýdany Embi qalasyndaǵy «Alǵa Bıznes Grýpp» JShS 320 tonna, «Private Rgoır» JShS 330 tonna gaz saqtaı alady. Al «KS-A» JShS (Qostanaı oblysy) jáne «Alpamys Atyraý» JShS (Atyraý oblysy) Aqtóbe oblysynda saqtaý parki joq», - dep habarlady oblys ákiminiń baspasóz qyzmeti.

Aıta keteıik, suıytylǵan gaz oblystaǵy gaz beketterinde talonǵa satyldy. Al qazirgi kezde kún saıyn 420 tonna suıytylǵan gaz oblys ortalyǵyna jetkizilip jatyr.

«Oblysta 47 myńǵa jýyq kólik suıytylǵan gazben júredi. Ótken jylmen salystyrǵanda 19 paıyzǵa ósken. Aqtóbe qalasynda gazdyń lıtri 52-55 teńge, oblys aýdandarynda 55-57 tg. Gaz jetkizý qazir kúndelikti baqylaýda tur», - dep habarlady baspasóz qyzmeti.

Bizdiń kanalymyzǵa jazylyńyz:

Basty sózder: Energetıka, Aqtóbe oblysy,
Bólisińiz:

Aýdarma:

Altynaı Saǵyndyqova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT