+7 (701) 759 90 19
USD 376.51 EUR 418.91
RUB 6.13 CNY 54.90
Jańalyqtar

Aqtóbede suıytylǵan gaz baǵasy qymbattady

2019 jylǵy 11 jeltoqsan 15:17
Bólisińiz:
Aqtóbede suıytylǵan gaz baǵasy qymbattady

AQTÓBE. QazAqparat – Aqtóbede suıytylǵan gaz tapshylyǵy sezile bastady. Qazirgi ýaqytta suıytylǵan gaz quıý beketterinde baǵa kóterildi, dep habarlaıdy QazAqparat tilshisi.

Uqsas jańalyqtar
Elordada gaz qondyrǵylaryna tekseris júrip jatyr «Saryarqa» magıstraldyq gaz qubyry iske qosyldy Altaı Kólginov elordanyń qaı turǵyn úı alabyna eń birinshi gaz beriletinin aıtty

Aqtóbe oblysynda aı saıyn 9 myń tonna suıytylǵan otyn alýǵa ruqsat bar. Al negizgi suranys 11-12 myń tonnaǵa jetken. Áleýmettik suıytylǵan otyn lımıti taýsylǵan kezde gaz bırjadan alynady. Bırjadaǵa baǵa qymbat, sáıkesinshe gaz quıý beketterinde baǵa kóterilip, talon tártibi engizilip jatyr.

«Tutynýshylardan shaǵym tústi. Gaz talonmen satylǵan jáne baǵa kóterilgen. Sonymen qatar gaz jetkizýshiler jekelegen janar-jaǵarmaı quıý beketterine basymdyq berip, keıbirimen kelisimshartqa qol qoıýdan bas tartyp otyr. Básekelestikti qorǵaý jáne damytý komıtetiniń Aqtóbe oblysy boıynsha departamenti zań talaptarynyń buzylǵanyn anyqtap, kompanııalarǵa habarlama jiberdi. Habarlama alǵan sátten bastap 10 jumys kún ishinde qatelikterdi joıý mindetteledi. Eger habarlama oryndalmaǵan jaǵdaıda, sýbektige qatysty tergeý taǵaıyndalatyn bolady», - dedi Básekelestikti qorǵaý jáne damytý komıtetiniń Aqtóbe oblysy boıynsha departamentiniń bólim basshysy Haıdar Ermashev.

Qazir oblysta 150-ge jýyq gaz toltyrý stantsııasy bar. Gazdyń bólshek saýdadaǵy baǵasy 55-70 teńge aralyǵynda bolyp tur. Memleketten bólinetin arzandatylǵan áleýmettik munaı gazynyń baǵasy 1 tonnaǵa 43 345 teńgeni quraıdy.

Departament gaz quıý beketteri munaı gazynyń bólshek saýdadaǵy baǵasyn zerttep, keıbir gaz toltyrý beketterindegi talonmen satýdy qanshalyqty zańdy ekenin anyqtaıdy.


Bizdiń kanalymyzǵa jazylyńyz:

Basty sózder: Aqtóbe oblysy, Qoǵam,
Bólisińiz:

Avtor:

Altynaı Saǵyndyqova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059

MURAǴAT