+7 (701) 759 90 19
USD 421.91 EUR 511.57
RUB 5.59 CNY 65.2
Jańalyqtar

Aqtóbede shoshqa fermasynyń jumysyna qatysty qylmystyq is qozǵaldy

2020 jylǵy 3 jeltoqsan 21:06
Bólisińiz:
Aqtóbede shoshqa fermasynyń jumysyna qatysty qylmystyq is qozǵaldy

AQTÓBE. QazAqparat – Aqtóbede shoshqa fermasyna qatysty tekserý jumystary aıaqtaldy. Jer qunarlylyǵyn búldirgen, ekologııalyq talapty saqtamaǵan basshy qylmystyq jaýapqa tartylady, dep habarlaıdy QazAqparat tilshisi.

Uqsas jańalyqtar
Ǵalamshar turǵyndarynyń 60%-dan astamy klımattyń ózgerýi adamzatqa qaýipti dep atady «Qazaqstannyń tumsa tabıǵaty» atty fotobaıqaý ótkiziledi 2021-2025 jyldarǵa arnalǵan «Jasyl Qazaqstan» ulttyq jobasy jasalady

Aqtóbede Bestamaq aýylynyń turǵyndary, ekologtar men mal dárigerleri, oblys ákimdiginiń ókilderinen quralǵan komıssııa alǵashqy qorytyndyny shyǵardy. Tekserý jumysy 10 kúnge sozyldy.

«Tekserý jumysy 20 qarasha kúni bastalyp, 2 jeltoqsan kúni aıaqtaldy. Tekserý qorytyndysynan soń ekologııa, jer qatynastary basqarmalary hattama toltyryp, kásipkerdi tanystyrdy. Shoshqa fermasynyń ıesine qatysty Qylmystyq kodekstiń «Jerdi búldirý» baby boıynsha is qozǵalyp, tergeý júrip jatyr», - dedi Aqtóbe oblystyq prokýrorynyń orynbasary Azamat Qustanov.

Aqtóbe oblystyq jerdiń paıdalanylýy men qorǵalýyn baqylaý jónindegi basqarma óz tujyrymyn jetkizdi.

«13,8 gektar jerdiń topyraq qunary búlingeni anyqtaldy. ıAǵnı 5,6 gektar jer qazylyp, qatty jáne suıyq qaldyq kómilgen, qosymsha daıyndalǵan. Baıbaqty ózeniniń boıyndaǵy sharýashylyqqa arnalǵan jerge qurylys jumystary júrgizilgen. Zańsyz karer de anyqtaldy. Sonymen birge 8 sharyrym jer qazylǵan. Keıbiriniń eki 10 metr bolady. Qujattar jınalyp, oblystyq prokýratýraǵa is materıaldary jiberildi. Zalalsyzdandyrý jumystary úshin bir jylǵa jýyq ýaqyt qajet bolady», - dedi Aqtóbe oblystyq jerdiń paıdalanylýy men qorǵalýyn baqylaý jónindegi basqarmasy basshysy Abdýhat Myrzalın.

Al ekologtar ol jerden 189 tonna qaldyqtyń qazylyp alynǵanyn málimdedi.

«Turǵyndar aryzy boıynsha tekserý júrdi. Ol jerge tek ishek-qaryn, ólekse emes, turmystyq qatty qaldyq, qurylys materıaly da kómilgen. Qaldyqtyń salmaǵy 189 tonnany qurady. Keltirilgen shyǵyn kólemi 40 mıllıon teńgeden asady. Taǵy bir anyqtalǵan jaıt, shoshqa fermasynda 40 myń basty baǵyp, kútýge ruqsat etilgen. Al munda 50-52 myń shoshqa ósirilgen. Bul da quqyqbuzýshylyq. Osy baǵyttaǵy keltirilgen shyǵyn 119 mıllıon teńge dep esepteldi. Qı saqtaý jáne qaldyq sý tógý zańdylyǵy saqtalmaǵan. Osy eki baǵyttaǵy jumysty toqtatýdy surap otyrmyz. Qaldyq sýdan synama alyndy. Shyǵyn kólemi aldaǵy ýaqytta anyqtalady», - dedi Aqtóbe oblystyq ekologııa departamentiniń bólim basshysy Ǵasyr Orynbasarov.

Eske salsaq, Aqtóbe oblysy Alǵa aýdanynyń turǵyndary shoshqa fermasyndaǵy biraz kemshilikti atady. Olar ishek-qaryndy joıý, ólekseni zalalsyzdandyrý jumysy júrgizilmeıtinin, kómý kezinde biraz talaptyń saqtalmaǵanyn aıtty.


Bizdiń kanalymyzǵa jazylyńyz:

Bólisińiz:

Avtor:

Altynaı Saǵyndyqova

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT