+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Aqtóbede sarmat dáýiriniń qorymynan altyn jalatylǵan semser tabyldy

2021 jylǵy 4 tamyz 12:32
Bólisińiz:
Aqtóbede sarmat dáýiriniń qorymynan altyn jalatylǵan semser tabyldy

AQTÓBE. QazAqparat – «Aqtóbe oblysynyń kıeli jerler geografııasy» jobasy aıasynda qazba jumystary júrgizilip jatyr. Arheologtar erte temir dáýiri, ıaǵnı, sarmattar ómir súrgen kezeńge tán qorymdy zerttep, birneshe qundy járiger tapty, dep habarlaıdy QazAqparat tilshisi.

Uqsas jańalyqtar
Aqtóbede 102 mekteptegi 310 synyp oqýshysy karantınge jiberildi Aqtóbede mal urlap, bazarda satqan kúdikti top ustaldy Aqtóbede alaıaqtyq jasady degen kúdikpen apaly-sińlili áıelder ustaldy

Aqtóbe oblysynyń ákimi Ońdasyn Orazalın tarıh ǵylymdarynyń doktory, Shyǵys elderi sáýleti halyqaralyq akademııasynyń korrespondent-múshesi Serik Ájiǵalı, tarıh ǵylymdarynyń kandıdaty, Á.H.Marǵulan atyndaǵy arheologııa ınstıtýtynyń bas dırektory mindetin atqarýshy Talǵat Mamyrovpen kezdesti. Kezdesý barysynda Aqtóbe oblysynda «Qazaqstannyń kıeli jerleri» jobasy aıasynda júzege asyrylyp jatqan ǵylymı-zertteý jobalar talqylandy. Ǵalymdar oblys ákimine Muǵaljar aýdany aýmaǵyndaǵy Jaǵabulaq qorymynan tabylǵan qurban shalatyn oryn men altyn jalatylǵan kórnekti semserdi kórsetti.

«Qorymnyń ózi erte temir dáýirine, ıaǵnı, b.d.d. VI-V ǵasyrlarǵa jatatyn iri keshen. Munda sondaı-aq, qola aına, altyn toǵa jáne t.b. ejelgi zattar tabyldy. Arheologııalyq eskertkishti zertteý jumystary áli de jalǵasyp jatyr. Bıyl úsh albom kitap shyǵarylady. «Aqtóbe oblysynyń kıeli jerler geografııasy» atty kitap úsh tilde jaryq kóredi», - dedi Á.H.Marǵulan atyndaǵy arheologııa ınstıtýtynyń bas dırektory mindetin atqarýshy Talǵat Mamyrov.

Sonymen birge, Qarǵaly aýdanynda qola dáýiriniń qonys-mekenderi tabyldy. Sol aýmaqtan metall pesh tabylǵan. Bul qazirgi Aqtóbe oblysynyń aýmaǵyn qola dáýirinde mekendegen taıpalardyń metall óndirisimen aınalysqanyn dáleldeıdi.

«Aqtóbe oblysynyń kıeli jerler geografııasy» jobasy aıasynda qazba jumystary júrgizildi. Óńirde el tarıhy úshin mańyzdy oqıǵalar bolǵanyn bilemiz. Sol sebepti zertteý mańyzdy. Tarıhı, arhıtektýralyq, etnografııalyq qundy eskertkishter tek elimizdiń batys óńirine emes, el úshin mańyzdy. Abat Baıtaq, Balǵasyn kúmbezi, Dońyztaý. Munyń bári zerttelip, tarıhı mańyzy aıtyldy. Kóp eńbek jaryqqa shyqty. Monografııa da bar. Jumysty jalǵastyryp, kópjyldyq zertteýdiń qorytyndysyn jasap jatyrmyz. Endigi mindet - Dońyztaý aýylyn zertteýdiń úshjyldyq jumysyn aıaqtaý. Elimizdiń eń qashyq aýdany dep aıtar edim. Sonymen birge Isataı Taımanuly men Edige batyrdyń jerlengen jerin anyqtaý maqsatynda zertteý júrgiziledi», - dedi tarıh ǵylymdarynyń doktory, Shyǵys elderi sáýleti halyqaralyq akademııasynyń korrespondent-múshesi Serik Ájiǵalı.

Kezdesýdi túıindegen oblys ákimi Ońdasyn Orazalın júrgizilip jatqan ǵylymı-zertteý jumystarynyń mańyzdylyǵyn atap ótip, jergilikti atqarýshy organdardyń óńirdiń tarıhı-mádenı murasyn zertteýge, saqtaýǵa jáne dáripteýge jan-jaqty qoldaý kórsetýdi jalǵastyratyndaryn aıtty.


Bizdiń kanalymyzǵa jazylyńyz:

Bólisińiz:

Avtor:

Altynaı Saǵyndyqova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT