Aqtóbede ózbekstandyqtyń sómkesinen 2 keli esirtki zaty tárkilendi

AQTÓBE. QazAqparat – Aqtóbe polıtsııasy 33 jastaǵy Ózbekstan azamattan 2 keli marıhýana tapty, dep habarlaıdy QazAqparat tilshisi.

Aqtóbe qalasynda «Quqyqtyq tártip» jedel - aldyn alý sharasy ótkizildi. Polıtsııa qyzmetkerleri «Qalalyq prokýratýra» baý - baqsha ujymynyń janynda «Mitsubishi Galant» markaly kólikti toqtatty. Tekserý kezinde 33 jastaǵy jolaýshydan salmaǵy 2 keli bolatyn esirtki zaty bar paketti tárkiledi.

«Ózbekstan azamatynyń ýaqytsha qonystanǵan baspanasyn tinti kezinde taǵy 8 keli eskirtki tárkilendi. Ol Kishpishti shaǵyn aýdanyndaǵy úıdiń as bólmesinde turǵan kólik dońǵalaǵyna 1 paketti jasyrǵan. Atalǵan fakti boıynsha Qylmystyq kodekstiń «Esirtki zattaryn asa iri mólsherde ótkizý» baby boıynsha sotqa deıingi tergeý bastaldy. Qolǵa túsken sheteldik Aqtóbe qalasynyń ýaqytsha ustaý ızolıatoryna qamaldy. Aqtóbe oblystyq PD qyzmetkerleri jyl basynan beri 500 keliden astam esirtki tárkiledi. Barlyǵy 80-nen astam qylmystyq is qozǵaldy»,- dedi oblystyq PD baspasóz qyzmetiniń jetekshisi Erbolat Sarqulov.