+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Aqtóbede merdigerler keıbir kósheniń jolyn qaıta salyp jatyr

2021 jylǵy 23 qyrkúıek 02:03
Bólisińiz:
Aqtóbede merdigerler keıbir kósheniń jolyn qaıta salyp jatyr

AQTÓBE. QazAqparat – Aqtóbede jóndelgen jol talapqa saı kelmeı, merdigerler birneshe kóshedegi asfaltti qaıta saldy, dep habarlaıdy QazAqparat tilshisi.

Uqsas jańalyqtar

Aqtóbe qalasyndaǵy joldardy jóndeýge bıyl 4 mıllıard teńgeden astam qarjy bólindi.

Qazirgi kezde birneshe kósheniń jolyna áli de asfalt tóselip jatyr.

Jumysty Qoǵamdyq baqylaý keńesi men «Jol aktıvteri ulttyq sapa ortalyǵy» AOF tekserdi.

«Ortalyq buǵan deıin tek respýblıkalyq joldyń sapasyn qarady. Keıin oblystyq, qalalyq, tipti aýdandyq mańyzy bar joldyń sapasyn qaraýǵa kóshti. Buryn qurylys materıaldaryna kóp kóńil bólinbegen. Tipti qıyrshyq tas shyǵaratyn «Qarǵaly» zaýytynyń ónimi talapqa saı kelmedi. Al olardyń qıyrshyq tasy kópke deıin óńirdiń jolyn salý kezinde paıdalanylǵan. Nátıjesinde bir jylǵa jetpeı joldar jaramsyz kúıge tústi. Keıin biz muny toqtattyq. Sonymen birge qazir merdigerler jobalyq-smetalyq qujattar kórsetilgen talapty saqtaıdy. Olar standartqa saı kelmese óz qarjysyna qaıta salatynyn jaqsy biledi. Degenmen bıyl Aqtóbe qalasynda birneshe jol qaıta jóndeldi. Merdigerler ol úshin 18 mıllıon teńge qarjysyn qosymsha jumsady», - dedi «Jol aktıvteri ulttyq sapa ortalyǵy» AOF dırektory Telman Malaev.

Talap boıynsha jańbyr jaýǵanda, aıaz kúsheıgende qurylys toqtaýy tıis. Eger bul talap saqtalmasa, qıyrshyq tas qaıta shashylyp, oı-shuńqyr kóbeıedi.

Sondyqtan tapsyrys berýshi men merdiger der kezinde jumysty aıaqtaýǵa kúsh salady.

«Joldyń sapasyn tekseretin ortalyqtyń saraptama qorytyndysyna saı merdiger aqshasyn ala alady. Sondyqtan biz ortalyqtyń shyǵarǵan qorytyndysyna súıenip, bıýdjet qarjysyn aýdaramyz. Bul óte tıimdi. Barlyq nysanda avtorlyq jáne tehnıkalyq baqylaýshylar bar. Olar da óz jumysyn istep jatyr», - dedi qalalyq turǵyn úı – kommýnaldyq sharýashylyq, jolaýshylar kóligi jáne avtomobıl joldary bólimi basshysynyń orynbasary Rýslan Tóreǵalı.

Jol aktıvteri ulttyq sapa ortalyǵy planshettiń kómegimen tekserý jumysyn fotoǵa túsirip, qoltańba qoıyp, akt toltyrady.

Akt birden júktelip, ortalyqqa jiberiledi. Jumys qazan aıyna deıin jalǵasady.


Bizdiń kanalymyzǵa jazylyńyz:

Bólisińiz:

Avtor:

Altynaı Saǵyndyqova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059

MURAǴAT