+7 (701) 759 90 19 Lenta
USD 386.71 EUR 429.17
RUB 6.02 CNY 54.66
Jańalyqtar

Aqtóbede kóz jumǵan dúkenshiniń kúıeýi mán-jaıdy aıtyp berdi

2019 jylǵy 19 tamyz 16:36
Bólisińiz:
Aqtóbede kóz jumǵan dúkenshiniń kúıeýi mán-jaıdy aıtyp berdi

AQTÓBE. QazAqparat – Aqtóbeniń Badamsha aýylynda dúken ıesiniń áıeli pyshaq jaraqatynan kóz jumdy. Marqumnyń kúıeýi Tilektes Pirmanov oqıǵanyń mán-jaıyn aıtyp berdi, dep habarlaıdy QazAqparat tilshisi.

Uqsas jańalyqtar
Elordada kottedj tonaýdy kásip etkender qolǵa tústi ShQO-da qylmys azaıyp keledi - general-maıor Janarbek Baqtybaev Kókshetaýda esirtki saqtaǵany úshin ustalǵan er adamnan qarý tabyldy

«Negizi saǵat 13:00-de dúkenge baryp, áıelimdi almastyrýym kedek edi. Biraq men 14:00-ge taman bardym. Kelýshilerge arnalǵan esik jabyq tur eken. Dúken túski úziliske jabylmaıdy, áıelim basqa jaqqa baratyn sharýasy bolsa eskertip aıtady. Bul joly olaı bolmady. Artqy esikten, ıaǵnı, podezge kirsem velosıpedi tur eken. Іshke kirgende «Fırýza, Fırýza» dep daýystadym. Qoımada qol sómkesi shashylyp jatty. Bir nárse bolǵanyn sezdim de dúkenniń ishine kirdim. Termınal qulap qalǵan, tońazytshyqtyń janynda áıelimnen qan ketip jatqanyn kórdim. Basyn ustadym, es-túzsiz jatyr eken. Qan kóp ketip qalǵan, «kól» boldy. Qarsylasqany kórinip tur. 30 ret pyshaq suǵylǵan deıdi. Keýdesine sala bergen pyshaqty. Tipti moıyn omyrtqaǵa deıin pyshaqtaǵan», - dedi marqumnyń kúıeýi Tilektes Pirmanov. Onyń aıtýynsha, kúdiktiniń birin olar tanyǵan, dúkenge únemi kelip júretin aýyl turǵyny bolǵan.

«Bizdiń aramyzda qandaı da bir janjal bolmady. Ara-tura qajetti zattaryn qaryzǵa alyp júrdi. Naqty neshe adam kelgenin bilmeımin. Bireý, ekeýi, tipti, úsheý dep aıtyp jatady. Aýdanda tártipti kúsheıtse eken deımiz. Bárimizde qorqynysh bar. Ol jerde bala bolsa qaıter edik... Aldyńǵy esik kiltteýli, kúdikti podezden shyǵyp ketken. Eshteńe almaǵan, tek aqsha. Jobamen 40 myń teńge aqsha men bir ýys tıyndy aldy», - dedi marqumnyń kúıeýi Tilektes Pirmanov.

Marqum Frıýza Pirmanova men Tilektes Pirmanovtyń eki qyz, bir uly bar. Úlken qyzy konservatorııany bitirip, oqýyn jalǵastyrmaq. Uly da Nur-Sultan qalasyndaǵy joǵary oqý ornynda bilim alyp júr. Al kenjesi bıyl mektepti úzdik bitirip, Almatyǵa attandy. Balalary alǵyr otbasy kúdiktilerdiń ádil jazasyn alǵanyn qalaıdy.

«Adamdar qaryzǵa alyp, aqshasyn bermeı ketetin. Al biz alar aqshamyzdy suramaıtynbyz. Tipti beınekamera qondyrmaı, bárine sendik. Adam kóp júretin jerde mundaı qylmys bolady dep oılamaǵan edik. Buǵan deıin aýylda bir dúkenniń kúzetshisin baılap, aqshasyn alyp ketken. Sol kezde ǵana beınebaqylaý jaıy aıtyldy», - dedi ol.

Aýyl turǵyndary tártipti kúsheıtýdi, polıtsııa qyzmetkerleriniń kósheni baqylaýǵa alýdy surady.

«Jas jigitterdiń túrine qarsań bári durys sııaqty. Biraq adamnyń ishinde ne bar ekenin bilmeımiz. Polıtsııa únemi jaıaý júrip, qaraý kerek. Kólikpen qaraǵanda eshteńe sezbeıdi. Tal túste bolǵan jaǵdaıdan soń qorqamyz», - dedi aýyl turǵyny Serik Qazmaǵambetov.

Eske salsaq, oqıǵa 14 tamyz kúni bolǵan edi. Polıtsııa qyzmetkerleri eki kúdiktini taýyp, qamaýǵa aldy.

Aıta keteıik, osy oqıǵa boıynsha Qylmystyq kodekstiń «Adam óltirý» babymen is qozǵalyp, tergeý bastaldy.

Bizdiń kanalymyzǵa jazylyńyz:

Basty sózder: Aqtóbe oblysy, Qylmyspen kúres,
Bólisińiz:

Avtor:

Altynaı Saǵyndyqova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT