Aqtóbede qorǵanys salasy qyzmetine jańa avtokólikter berildi

2022 jylǵy 4 jeltoqsan, 07:21
Aqtóbede qorǵanys salasy qyzmetine jańa avtokólikter berildi

AQTÓBE. QazAqparat - Aqtóbe oblystyq qorǵanys isteri departamentine 13 jańa avtokólik berildi, dep habarlaıdy QazAqparat tilshisi.

Aqtóbe oblysynyń ákimi Eraly Toǵjanov qorǵanys isteri jónindegi departament jumysymen tanysyp, 13 jańa qyzmettik avtokóliktiń kiltin tabys etti.

Qazaqstanda jınalǵan sý jańa kólikter departamenttiń qalalyq jáne aýdandyq bólimderine berildi.

«Bıyl Qazaqstan Qarýly Kúshteriniń qurylǵanyna — 30 jyl. Osy jyldar aralyǵynda elimizdiń Qarýly Kúshteri Táýelsizdigimizdiń kepili bolyp, ony kúzetip keledi. Departament qyzmetkerlerine Respýblıkamyzdyń Qarýly Kúshteriniń qataryn tolyqtyrýda atqaryp jatqan orasan zor jumystary úshin alǵysymdy bildiremin. Elimizge tynyshtyq, bereke-birlik tileımin», - dedi shara barysynda sóz alǵan óńir basshysy.

Aıta keterligi, bıyl jergilikti áskerı basqarý organdaryn materıaldyq-tehnıkalyq jaraqtandyrý boıynsha áskerge shaqyrtý naýqanyn sapaly uıymdastyrýǵa 433 mıllıon teńgeden astam qarjy bólingen.

Sonymen qatar Áıteke bı, Alǵa, Yrǵyz aýdandaryndaǵy qorǵanys bólimderi men áskerge shaqyrtý pýnktteri jańa ǵımarattarǵa ornalasty.

Al Muǵaljar, Hromtaý jáne Shalqar aýdandarynda áskerı shaqyrtý pýnkteriniń jańa ǵımaratyn salý jumystary júrgizilip jatyr.


Uqsas jańalyqtar
Seriktester jańalyqtary

Jańalyqtar