Qoldanwşı baptawları
Qoldanwşı baptawları
+7 (701) 759 90 19 Lenta
Astana: 14 °S
Almatı: 18 °S
USD 340.27 EUR 396.31
RUB 5.39 CNY 52.39
Jañalıqtar

Aqtöbede kommwnaldıq qızmettіñ barlıq türі qımbattadı

2018 jılğı 3 qañtar 17:28 1329
Bölіsіñіz:
Aqtöbede kommwnaldıq qızmettіñ barlıq türі qımbattadı

AQTÖBE. QazAqparat - Aqtöbede sw, jarıq, jılw, gazdıñ bağası qımbattadı, dep xabarlaydı QazAqparat tіlşіsі.

Aqtöbe oblısında qañtardan bastap kommwnaldıq qızmettіñ barlığı qımbattadı. Tabïğï monopolïyalardı rettew jäne bäsekelestіktі qorğaw komïtetіnіñ oblıstıq departamentі taratqan mälіmetke süyensek, bağa 2016-2020 jıldarğa arnalğan josparğa säykes köterіldі. Degenmen elektr toğı men gaz bağası qarastırılğan kezde käsіpkerlerge basımdıq berіlіp, olardıñ bïznesі üşіn jeñіldіkter jasaldı.

«Qañtar ayında swıq sw 3 payızğa qımbattadı. Turğındar üşіn QQS eseptemegende 2 teñge 13 tïın qosıladı. Al özge tutınwşılar üşіn 9 teñge 7 tïınğa östі. Kärіz jüyesіnіñ bağası 7,3 payızğa köterіldі. Turğındar üşіn 4,35 teñge, al özge tutınwşılar üşіn 22,24 teñge qosıldı. Al jılw men ıstıq sw bağası turğındar üşіn 10 payızğa östі. Jarıq taratwşılar da bağanı köterіp otır. Olar tutınwşılar üşіn tarïftі 10 payızğa arttırdı. Özge tutınwşılar üşіn 15 payızğa arttırw usınıldı. Bіraq äkіmdіk pen elektr stancïyası arasındağı memorandwmğa säykes kommwnaldıq qızmet 10,7 payızğa köterіletіn boldı. Aqtöbede gaz da qımbattadı. Turğındar üşіn 8 payızğa ösіp otır», - dedі Tabïğï monopolïyalardı rettew jäne bäsekelestіktі qorğaw komïtetіnіñ oblıstıq departament basşısınıñ orınbasarı Nurlan Bolatbaev.

Ayta keteyіk, monopolïyağa qarsı küres qızmetkerlerіnіñ aytwınşa, gaz bağası özge tutınwşılar üşіn 4 payızğa ğana qımbattadı. Bul bïznestі qoldawğa bağıttalğan jumıs. 

 

 


Bölіsіñіz:

Avtor:

Altınay Sağındıqova

Onlayn qızmetkerler
Redaktor
Janïbek Amangeldï
Janïbek Amangeldï
954-059
Redaktor
Erbol Janat
Erbol Janat
954-059
Murağat