+7 (701) 759 90 19
USD 387.16 EUR 428.47
RUB 6.08 CNY 55.13
Jańalyqtar

Aqtóbede kásipkerlik qyzmetti qoldaýdyń jol kartasy jasaldy

2019 jylǵy 4 qazan 02:50
Bólisińiz:
Aqtóbede kásipkerlik qyzmetti qoldaýdyń jol kartasy jasaldy

AQTÓBE. QazAqparat - Qazaqstan kásipkerleriniń quqyǵyn qorǵaý jónindegi ýákil Bolat Palymbetov Aqtóbege keldi. Bıznes salasyndaǵy máseleler talqylanǵan jıynda kásipkerlik qyzmetti qoldaýdyń jol kartasy bekitildi, dep habarlaıdy QazAqparat tilshisi.

Uqsas jańalyqtar
Bıznesti qoldaýǵa bólinetin memleket qarajaty 1,5 esege ulǵaıady Tarazdyq oqýshy bıznes jobasyn júzege asyrýǵa 2 mln teńge utyp aldy Qazaqstanda qansha ShOB tirkelgen

Kezdesýde bıznes-ombýdsmen kásipkerler jıi kezdesetin másele týraly egjeı-tegjeıli aıtty. Onyń aıtýynsha, 2016 jyldan bastap 2018 jylǵa deıin ombýdsmen men onyń apparatyna bıznesti qorǵaý týraly 17 myńnan astam ótinish kelip túsken. Olardyń 46 paıyzy tolyq nemese ishinara sheshimin tapqan. Qorǵalǵan múliktik quqyqtyń quny - 110,8 mlrd teńge. Munyń ishine joıylǵan aıyppuldar, ósimaqylar, kásipkerge qaıtarylǵan nemese saqtalǵan múlik kiredi. Eń kóp ótinish jer qatynastary, salyq, satyp alý máseleleri boıynsha jáne quqyq qorǵaý organdaryna túsken. 2018 jyly Aqtóbe oblysynyń kásipkerlerinen bıznesti qorǵaý máseleleri boıynsha 283 ótinish tústi. Onyń 164-i oń sheshimin tapty.

Bolat Palymbetovtyń aıtýynsha, jyl saıyn QR Ekonomıka mınıstrligimen birge kásipkerlik ortany jaqsartý boıynsha aýqymdy jumystar júrgiziledi. Nátıjesinde memlekettik baqylaý jáne qadaǵalaý júıesi túbegeıli qaıta qaraldy. Eger 2011 jyly lıtsenzııalar men ruqsattardyń 1115 túri bolsa, qazir olardyń sany 315-ti quraıdy. 800-den astam nemese 72 paıyz ruqsat pen lıtsenzııa qysqartyldy. Bári «Ruqsattar jáne habarlamalar týraly» Zańynda rettelgen. Sondaı-aq bıznes-ombýdsmen bıznesmenderge qatysty qylmystyq jáne ákimshilik zańnamany ońtaılandyrý jumystary týraly aıtty. 2019 jyldan bastap ekonomıkalyq quqyq buzýshylyqtar boıynsha qylmystyq ister sany bes esege qysqardy. Al qazaqstandyq kásipkerlerdi qorǵaý aýmaǵy búgin EAEO elderin qamtydy.

Aıta ketý kerek, júıeli máselelerdi sheshý Bas prokýratýra, Memlekettik qyzmet isteri jáne sybaılas jemqorlyqqa qarsy is-qımyl agenttigimen qol qoıylǵan «Jol kartasy» aıasynda júzege asyrylady.Kezdesý sońynda jınalysqa qatysýshylar Aqtóbe oblysynda kásipkerlik qyzmetti qoldaýǵa arnalǵan taǵy bir jol kartasyn bekitti jáne oǵan qol qoıdy.

Jol kartasynda 11 tarmaq bar. Birinshi kezekte jer ýchaskeleri týraly aqparatqa onlaın qol jetkizýdi qamtamasyz etý jáne ınjenerlik - kommýnıkatsııalyq jelilerge qosý; jeke menshik balabaqshalardy jan basyna qarjylandyrýǵa bólinetin qarajatty arttyrý; jergilikti bıýdjet esebinen qarjylandyrylatyn Aqtóbe oblysynyń sút-taýar fermalaryn damytýdyń óńirlik baǵdarlamasyn ázirleý; asyl tuqymdy mal sharýashylyǵyn damytýdy, mal sharýashylyǵy óniminiń ónimdiligi men sapasyn arttyrýdy sýbsıdııalaý qaǵıdalaryna 50 bastan bastap sút-taýar fermalary úshin mal azyǵyn daıyndaýdy sýbsıdııalaýdy kózdeıtin ózgerister engizý; aýyl sharýashylyǵy taýar óndirýshilerin sýbsıdııamen qamtýǵa jáne olardyń tıimdiligine taldaý júrgizý jáne basqa da ózekti máseleler kórinis tapty.

«Jalpy, barlyq óńirde problemalardyń 90% jergilikti deńgeıde sheshiledi. Jol kartasyn júzege asyrýda kásipkerler palatasynyń oblys ákimdigimen birlesken jumysy aımaq bıznesiniń damýyna aıtarlyqtaı serpin beretinine senimdimin. Aqtóbe oblysynyń kásipkerler Palatasynyń shekaralyq yntymaqtastyqty damytýdaǵy belsendi jumysyn erekshe atap ótkim keledi. 2017 jyly Reseıdiń bıznes-ombýdsmenimen qol qoıylǵan kelisimniń arqasynda olar Reseı men Qazaqstan óńirleriniń bıznes-qaýymdastyqtary, kásipkerlerdiń quqyqtary men múddelerin qorǵaý jónindegi qurylymdary, bılik organdary arasyndaǵy shekaralyq yntymaqtastyqty ornatady»,- dedi QR bıznes-ombýdsmeni Bolat Palymbetov.

Statıstıkaǵa súıensek, Aqtóbe oblysynda jumys istep turǵan 58 388 shaǵyn jáne orta kásipkerlik sýbektisi tirkelgen.

Bizdiń kanalymyzǵa jazylyńyz:

Bólisińiz:

Avtor:

Altynaı Saǵyndyqova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT