+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

Aqtóbede ishimdik iship, telefonmen sóılesken júrgizýshiler ustaldy

2019 jylǵy 15 qazan 01:52
Bólisińiz:
Aqtóbede ishimdik iship, telefonmen sóılesken júrgizýshiler ustaldy

AQTÓBE. QazAqparat - «Avtobýs» respýblıkalyq jedel aldyn alý sharasy kezinde Aqtóbede 495 ákimshilik quqyqbuzýshylyq anyqtaldy, dep habarlaıdy QazAqparat tilshisi.

Uqsas jańalyqtar
Almatyda júrgizýshi kýáligi joq azamat polıtsııa qyzmetkerlerinen qashpaq boldy Elordada alǵash ret avtokólikti elektrmen jylytý jobasy iske qosyldy Elimizde kólik júrgizý mádenıeti tómen - ІІM

Qazannyń 10-17 aralyǵynda «Avtobýs» respýblıkalyq jedel aldyn-alý sharasy ótkizilip jatyr. Alǵashqy tórt kúnde oblys boıynsha jolaýshylardy tasymaldaý baǵytynda 495 ákimshilik quqyqbuzýshylyq anyqtaldy. Onyń ishinde zańsyz tasymaldaýdyń tórt faktisi tirkeldi.

Sonymen qatar, kólik basqarý kezinde uıaly telefon qoldaný boıynsha 80 quqyqbuzýshylyq, 60-tan asa manevr erejesin buzý, 23 eńbek pen demalys rejımin, 63 jolaýshylar men júk tasymaldaý erejesin buzý faktisi anyqtaldy.

«Samara-Shymkent» tas jolynyń 838 shaqyrymynda polıtseıler ishimdik ishken kúıde aıdaǵan avtobýs júrgizýshisin toqtatty. Onyń salonynda eshkim bolmady. Júrgizýshini kólik basqarý quqyǵynan aıyrý úshin is sotqa joldandy», - dep habarlady oblystyq PD baspasóz qyzmeti.

Aıta keteıik, jedel aldyn alý sharasy aıasynda polıtsııa qyzmetkerleri joldaǵy tártip saqshylarynyń sanyn kóbeıtip, óreskel zańbuzýshylyqtardy anyqtaý, sonyń ishinde zańsyz tasymaldaýshylar boıynsha qoǵamdyq jáne kólik ınspektsııasy ókilderinen turatyn mobıldi top qurdy.

Avtobýs júrgizýshilerinde tıisti qujattardyń, sonyń ishinde, kóshi-qon basqarmasy men kóliktik basqarý ınspektsııasymen birlesip, jolaýshylardy tasymaldaý quqyǵyna ıe qujattardyń bolýyna, zańsyz tasymaldaýshylardy, sheteldik tirkeýi bar avtobýstardy anyqtaýǵa nazar aýdarylýda.

Tehnıkalyq jaǵdaıy men qurylymynyń qabyldanǵan qaýipsizdik talaptaryna sáıkes kelmeıtin qaıta zańsyz jabdyqtalǵan avtobýstardy, avtobýs-taksılerdi qoldanýǵa tyıym salynatyn sharalar qabyldandy.

Sondaı-aq, júrgizýshilerdiń jyldamdyq rejımin qadaǵalaýǵa, basyp ozý, manevr jasaý, qarsy júrip ótý, jaıaý júrginshiler ótkelderiniń ótý erejelerin jáne balalardy oqý oryndaryna tasymaldaıtyn avtobýstardyń tehnıkalyq jaı-kúıine erekshe kóńil bólinedi. Polıtsııa qyzmetkerleri kólik quraldarynyń tehnıkalyq jaǵdaıyn, avtobýs parkterinen shyǵý kezinde reıs aldyndaǵy tehnıkalyq jáne medıtsınalyq tekserýden ótýin baqylaýdy uıymdastyrady.

Jyl basynan beri oblysta qoǵamdyq kólikterdiń qatysýymen 25 jol-kólik oqıǵasy boldy. Kólik oqıǵasy kezinde 34 adam jaralanǵan. Jergilikti polıtsııa basqarmasy jolaýshylar kóligi mekemesiniń basshylarymen, ınjenerlik jáne júrgizýshi quramymen kezdesý uıymdastyrdy. Sharanyń negizgi maqsaty – jolaýshylar tasymalyn júzege asyratyn júrgizýshiler arasynda kólik tártibin arttyrý, qoǵamdyq kóliktiń qatysýymen bolatyn jol-kólik oqıǵalaryn anyqtaý, onyń aldyn alý.

Bizdiń kanalymyzǵa jazylyńyz:

Basty sózder: Aqtóbe oblysy, Qoǵam, Kólik,
Bólisińiz:

Avtor:

Altynaı Saǵyndyqova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT