+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Aqtóbede iri kompanııalarǵa jergilikti taýar óndirýshilerdi qoldaý mindetteldi

2019 jylǵy 12 jeltoqsan 02:11
Bólisińiz:
Aqtóbede iri kompanııalarǵa jergilikti taýar óndirýshilerdi qoldaý mindetteldi

AQTÓBE. QazAqparat - Aqtóbede óndiris oryndarynyń jumysy qorytyndylandy. Іri munaı kompanııalaryna jergilikti taýar óndirýshilerge qoldaý bildirý mindetteldi, dep habarlaıdy QazAqparat tilshisi.

Uqsas jańalyqtar
Kentaýdaǵy tseh aıyna 500 jıhaz shyǵarady Eńbegimniń jemisin kórip kelemin – atyraýlyq slesar Rashıd Alashbaev Qazaqstanda ónerkásipti damytý qory quryldy

Aqtóbe oblysynyń ákimi Ońdasyn Orazalın ónerkásip kásiporyndarynyń jyldyq qorytyndysyn tyńdady. Bıyl Aqtóbe rels-arqalyq zaýyty «Qazaqstan temir joly» UK« AQ - na 20 mıllıard teńgeden astam aqsha qaryz boldy. Úkimet osy iske aralasyp, qazir qaryz 8 mıllıard teńgeni qurap otyr. Aldaǵy ýaqytta zaýyt ónimin Eýropaǵa tasymaldaý úshin kelissózder júrip jatyr. Aqtóbe hrom qosyndylary zaýyty da taýar satýda qıyndyqqa tap boldy. Degenmen bul jumysshylardyń jalaqysyna keri áserin tıgizbeýi tıis.

«Óńirde Memleket basshysynyń áleýmetik-ekonomıkalyq damýy boıynsha tapsyrmalaryn oryndaýdyń tıimdi sharalary qabyldanyp jatyr. Halyqtyń jumyspen qamtylýyn qamtamasyz etýde jáne ál-aýqatyn jaqsartýda ónerkásiptik kásiporyndardyń qyzmeti mańyzdy oryn alady» ,- dep atap ótti Ońdasyn Orazalın.

Oblys ákiminiń orynbasary Qaırat Bekenov bıyl ónerkásip pen negizgi kapıtalǵa quıylǵan ınvestıtsııa kóleminiń oń dınamıkasy baıqalatynyn jetkizdi. Osy jyldyń 11 aıynyń qorytyndysy boıynsha ónerkásip kólemi 1,8 trln teńgeni qurady. Sońǵy 3 jylda ónerkásip qurylymyndaǵy óńdeý sektorynyń úlesi 28-den 33 paıyzǵa ósti.

Jıyn kezinde Qaırat Bekenov sheteldik jumysshylar sanynyń artýyna, qazaqstandyq mamandardyń nashar nemese shartty túrde ǵana oqytylatynyna nazar aýdaryp, sheteldik jáne jergilikti kadrlar arasyndaǵy eńbekaqy boıynsha alshaqtyq deregin keltirdi.

Oblys ákimi Ońdasyn Orazalın osy baǵyttaǵy jumystardy kúsheıtip, sheteldik jumys kúshin tartý jumysyna taldaý júrgizýdi jáne zańsyzdyq anyqtalǵan jaǵdaıda olardy deportatsııalaýǵa deıin aparatyn jaýapqa tartýdy tapsyrdy. Oblys ákimi jergilikti qamtýdy damytý jónindegi jumystardy da qatań synǵa aldy. Munaı-gaz sektoryndaǵy jer qoınaýyn paıdalanýshylar 150,3 mlrd teńgege taýar, jumys pen qyzmetterdi satyp alǵan, sonyń ishinde jergilikti qamtý úlesi nebári 50,7 paıyzdy quraıdy.

«Óńirdiń áleýmettik-ekonomıkalyq damýy men qoǵamdyq-saıası turaqtylyǵyna áser etetin problemalar bar. Men kásiporyndardyń aldymen paıda tabýǵa múddeli ekenderin túsinemin. Jergilikti atqarýshy organdar bir jaǵynan kompanııalardyń tabysty jumys jasaýyna, óndiristik tapsyrmalardyń júzege asyrylýyna qoldaý kórsetýleri qajet, biraq buǵan qosa kásiporyn jumysy óńirdegi áleýmettik turaqtylyqqa oń yqpalyn tıgizýi tıis», - dep atap ótti O.Orazalın.

«Atameken» kásipkerler palatasynyń oblystyq fılıalynyń dırektory Anar Darjanovanyń aıtýynsha, «SNPS - Aqtóbemunaıgaz» AQ bıyl 500 mıllıon teńgege qoı, sıyr, jylqy etine tapsyrys bergen. Taýar jetkizýdi almatylyq kompanııa jeńip aldy. Alaıda ol kompanııa mal sharýashylyǵymen aınalyspaıdy, ózgeden alyp, tasymaldaıdy.

«Mundaı mysaldar kóp. Un jáne un ónimderiniń satyp alý baıqaýynda da osyndaı kedergi bar. Munaı kompanııasy tym tómen baǵa qoıǵan, naryqta mundaı qun joq. Sondyqtan jergilikti taýar óndirýshiler iri tapsyrystar qabyldaý kezinde bárinen shet qaldy. Ádeıi jasalǵan is dep boljap otyrmyz», - dedi Anar Darjanova.

Bizdiń kanalymyzǵa jazylyńyz:

Bólisińiz:

Avtor:

Altynaı Saǵyndyqova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT