+7 (701) 759 90 19
USD 375.87 EUR 406.24
RUB 5.84 CNY 53.45
Jańalyqtar

Aqtóbede Er Edigege eskertkish ornatyldy

2020 jylǵy 28 qańtar 20:06
Bólisińiz:
Aqtóbede Er Edigege eskertkish ornatyldy

AQTÓBE. QazAqparat – Aqtóbede Altyn ordanyń 750 jyldyǵyna oraı Er Edigege eskertkish ornatyldy, dep habarlaıdy QazAqparat tilshisi.

Uqsas jańalyqtar
Qaraǵandyda ǵalymdar Altyn orda tarıhyn talqylaýda Búrkit Aıaǵan: Altyn ordaǵa qaryzdar memleketter onyń tarıhyn zerttemeı otyr Tımýr Kozyrev: Qazaqstan – Altyn ordanyń tikeleı murageri degen tarıhı shyndyqty qaıtarý kerek

Aqtóbede Edige batyrǵa arnalǵan kóshe bar. Búgin dál sol kóshede eskertkish ornatyldy. Kásipkerler men jergilikti metsenattar qarjy bólip, tarıhı tulǵany ulyqtady.

«Qazaq dalasynyń tarıhy ejelden ańyzǵa toly. Tolarsaqtan saz keship júrip eldigimizdi bekem, órligimizdi kórkem qylǵan babalarymyz az bolǵan joq. Osy ólkede de eli men jerin qorǵaǵan talaı batyrlar ótti. Búginde osyndaı batyrlarymyzǵa arnap eskertkishterdi ornatyp, olardyń esimin ulyqtaý urpaq aldyndaǵy bizdiń amanatymyz. Búgin kúlli túrki áleminde ardaq tutqan Er Edigeniń esimin ulyqtaý maqsatynda eskertkish ornatyldy. Bizdiń maqsat – tarıhı tulǵany eshkimniń enshisi etpeı urpaqty tárbıeleý, ultyn súıýge úıretý, nasıhattaý», - dedi oblys ákimi Ońdasyn Orazalın.


Eskertkish avtory – Jeńis Jubanǵosov. Al uzaq jyldan beri osy tulǵany zerttep júrgen – fılologııa ǵylymdarynyń doktory, professor Jubanazar Asannyń aıtýynsha Edige Altyn ordany 17 jyl basqarǵan.

«Bıyl 750 jyldyqqa oraı Aqtóbede eskertkish ornatylyp jatyr. Jalpy epostyń 60-tan astam nusqasy bolyp shyqty. Bul basty keıipkerdiń el súıiktisi bolǵanyn bildiredi. Tatar, noǵaı, bashqurt, ózbek sekildi túrki tildes halyqta birneshe nusqasy aıtalady. Bizdiń maqsat – Er Edigeniń jerlengen jerin tabý. Ataqty tarıhshy Qadyrǵalı Jalaıyr «Elek ózeniniń ústinde Úsh bórte bar. Sol Úsh bórteniń ortańǵy bóliginde óldi» dep jazady. Bul Aqtóbe oblysy, Mártók aýdany ekeni belgili. Atyraýmen shektesken jerde Edige oıpaty bar. Edigeniń jaly degen jer Baıǵanın aýdanynda. Dál sol Baıǵanınde Edige molasy da bar. Bári zertteýdi qajet etedi», - dedi Jubanazar Asan.


Bizdiń kanalymyzǵa jazylyńyz:

Basty sózder: Aqtóbe oblysy, Altyn orda,
Bólisińiz:

Avtor:

Altynaı Saǵyndyqova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059

MURAǴAT