FÝTBOLDAN ÁLEM ChEMPIONATY-2022
  Jańalyqtar  >

Aqtóbede balalarǵa mantý ornyna BTsJ salǵan dárigerlerge qylmystyq is qozǵaldy

2022 jylǵy 29 qyrkúıek, 12:36
Aqtóbede balalarǵa mantý ornyna BTsJ salǵan dárigerlerge qylmystyq is qozǵaldy

AQTÓBE. QazAqparat – Aqtóbede mantý ornyna týberkýlezge qarsy vaktsına salǵan dárigerlerge qatysty qylmystyq is qozǵaldy. Qazir tergeý júrip jatyr, dep habarlaıdy QazAqparat tilshisi.

«Aqtóbe qalasy Almaty aýdandyq polıtsııa bólimi mantý ornyna vaktsına salǵan medıtsına qyzmetkerlerine qatysty Qylmystyq kodekstiń «Medıtsına nemese farmatsevtıka jumyskeriniń kásiptik mindetterin tıisinshe oryndamaýy» baby boıynsha is qozǵady. Qazirgi kezde qajetti medıtsınalyq saraptamalar taǵaıyndaldy. Tergeý oblys prokýrorynyń baqylaýynda bolady», - dedi Aqtóbe qalasy Almaty aýdanynyń prokýrory Jasulan Dáýlembaev.

Aıta keteıik, Aqtóbede 42 oqýshyǵa mantý synamasynyń ornyna BTsJ salynǵan.

Oblystyq densaýlyq saqtaý basqarmasynyń basshysy Rústem Isaev qatelik ketkenin moıyndap, ata-analarǵa túsindirý jumysyn júrgizgenin aıtty.

Jergilikti jerde birden eki komıssııa quryldy.

Al QR Densaýlyq saqtaý mınıstrligi Aqtóbedegi mektep oqýshylaryna mantý synamasyn júrgizbesten BTsJ vaktsınasyn salý faktisi boıynsha qyzmettik tekserýdi bastady.

Vaktsınany shatastyrǵan medıtsına qyzmetkerleri búginde jumystan shettetilgen.


Tegı:
Seriktester jańalyqtary

Jańalyqtar