Aqtóbede baǵa turaqtylyǵy úshin jergilikti taýar óndirýshilerge sýbsıdııa beriledi
2022 jylǵy 20 qańtar 00:51

Aqtóbede baǵa turaqtylyǵy úshin jergilikti taýar óndirýshilerge sýbsıdııa beriledi

AQTÓBE. QazAqparat - Aqtóbede ishki naryq suranysyn qamtý úshin jergilikti taýar óndirýshilerge qoldaý kórsetiledi, dep habarlaıdy QazAqparat tilshisi.

«Aqtóbe» telearnasynyń «Oı túrtki» baǵdarlamasynda azyq-túlik qaýipsizdigin qamtamasyz etý jaıy sóz boldy. Onda oblystyq aýyl sharýashylyǵy basqarmasynyń basshysy Isataı Espaǵanbetov áleýmettik taýar baǵasy týraly aıtyp berdi.

«Prezıdent tapsyrmasyna sáıkes azyq-túlik baǵasynyń kóterilýine jol bermeýimiz kerek. Óńirde birneshe shara qolǵa alyna bastady. Máselen, ósimdik maıy endi eksporttalmaıdy. Aqtóbedegi zaýyt eki jyldan beri rafınattalmaǵan maı shyǵarsa, endi jańa tsehty iske qosyp, rafınattalǵan ónim alýdy josparlap otyr. Bul tsehtyń ónimi ishki naryqtaǵy baǵa turaqtylyǵyn qamtamasyz etýge múmkindik bermek. Al olarǵa kvota berý qarastyrylyp jatyr. Sonymen birge kókónisti ishki naryqqa baǵyttaý qarastyryldy. Óndiriletin kartop oblys suranysynyń 140% qamtýǵa múmkindik beredi. Jalpy 80 myń tonna kartop óndirilse, keıde basqa óńirlerge, shetelge shyǵarylady. Shekteý kezinde kóp bóligi ishki naryqta qalady dep oılaımyz»,- dedi Isataı Espaǵanbetov. Onyń aıtýynsha, maldy tirideı shetelge shaǵarýǵa da tyıym salynady. Degenmen et jáne et ónimderine mundaı shekteý joq.
«Áleýmettik nan baǵasy qazir 83 teńge. Іri saýda oryndary tek bir teńge ǵana qosady. Qazir tórt nan kombınaty qalany túgel qamtyp otyrǵany belgili. Al aýdandarda shaǵyn naýbaıhana jumys istep tur. Endi «Azyq-túlik kelisimshart prokorporatsııasy» UK» AQ óz ónimin 115 teńgeden dıirmenge beretin bolsa, 25 teńgesi sýbsıdııalanady. Olar bıdaıdy arzanǵa alsa, shyǵarylatyn ónim de qoljetimdi bolmaq»,- dedi oblystyq aýyl sharýashylyǵy basqarmasynyń basshysy Isataı Espaǵanbetov.


Jańalyqtar

MURAǴAT