+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Aqtóbede ár aǵashtyń jeke qujaty bolady

2019 jylǵy 13 qarasha 03:39
Bólisińiz:
Aqtóbede ár aǵashtyń jeke qujaty bolady

AQTÓBE. QazAqparat - Reseılik mamandar Aqtóbe qalasyndaǵy jasyl jelekti túgendeıdi, dep habarlaıdy QazAqparat tilshisi.

Uqsas jańalyqtar
Prezıdent eskertýinen keıin aǵash otyrǵyzýdy jarnamalamaıtyn boldyq – Erjan Seıtenov Ómirzaq Shókeev: Túrkistan oblysynda 3,5 mln aǵash egý josparlanyp otyr Túrkistan oblysynda 1,3 mln-nan astam kóshet otyrǵyzylýda

Aqtóbe qalasynda jasyl jelek sanyn arttyrý, egý, sýarý, kútip ustaý jumysyn júıeli júrgizý úshin bar aǵashtyń sanyn bilý josparlandy.

«Aqtóbe — bárimizdiń ortaq úıimiz. IT-tehnologııanyń damyǵan kezinde málimetterdiń elektrondyq bazasyn, avtomattandyrý júıesin jasaý qajet. Ári jasyl jelek qala aýmaǵynda qatań baqylaýǵa alynýy tıis. Bul úshin biz tehnıkalyq múmkindikterimizdi jetildirýimiz kerek. Máselen, qalada tal-kóshettiń sany men sapasy týraly naqty málimet joq. Bul jasyl jelekti sýarýǵa, kútip ustaýǵa bólinetin qarjyny negizdeýge kedergi keltiredi. Sondaı-aq, qalada dendrologııalyq zertteý júrgizilmeıtini anyq. Injenerlik jelini júrgizgen kezde, qurylys salǵanda, qaıta jóndeý jumysy kezinde tal-terektiń zardap shegetini belgili», - dedi qala ákiminiń orynbasary Jangeldi Áýbákirov. Reseıde aǵashtardy esepke alýdy bastaǵan «Ýlmýs» qoǵamdyq birlestiginiń bas dırektory Pavel Vorobev jáne Máskeý pedagogıkalyq memlekettik ýnıversıtetiniń dotsenti Ekaterına Chernıaeva óz tájirıbesimen bólisti. «Reseıde 10 jyldan beri «Jasyl jelek tizimi» atty baǵdarlama júzege asyrylyp keledi. Ósip turǵan tal-kóshet baǵalaý júıesine engiziledi jáne málimeti arnaıy aqparattyq júıege tirkeledi. Sonyń arqasynda qalalyq turǵyn úı-kommýnaldyq sharýashylyq bóliminiń qyzmetkerleri kez kelgen ýaqytta jasyl jelektiń sanyna, sapasyna qatysty málimetti bilip otyrady», - dedi Pavel Vorobev. Aǵashtardy túgendeý jumysyna aýyl sharýashylyǵy kolledjiniń oqýshylary jáne Q.Jubanov atyndaǵy Aqtóbe óńirlik memlekettik ýnıversıtetiniń stýdentteri qatysady. Aqtóbe óńirlik memlekettik ýnıversıtetiniń bıolog, agronom dendrologtan qurylǵan jumys toby máskeýlik mamandarmen birge «Aqtóbe qalasynyń jasyl beldeýin qurý, kútip ustaý jáne qorǵaý erejesin» jasaıdy. Eske salsaq, 2017 jyly otyrǵyzylǵan 1 mıllıon túp kóshet sýarylmaı, qýrap qalǵan bolatyn. Bul úshin bıýdjettiń 70 mıllıon teńgeden astam qarjysy jumsaldy.

Bizdiń kanalymyzǵa jazylyńyz:

Basty sózder: Aqtóbe oblysy, Ekologııa,
Bólisińiz:

Avtor:

Altynaı Saǵyndyqova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT