+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Aqtóbede 8 ózenniń arnasyn tereńdetý jobasy nege toqtap qaldy - ákim túsindirdi

2021 jylǵy 22 maýsym 14:41
Bólisińiz:
Aqtóbede 8 ózenniń arnasyn tereńdetý jobasy nege toqtap qaldy - ákim túsindirdi

NUR-SULTAN. QazAqparat - Aqtóbe oblysynyń ákimi Ońdasyn Orazalın óńirdegi 8 ózenniń arnasyn tereńdetý jobasy nege toqtaǵanyn túsindirdi, dep habarlaıdy QazAqparat.

Uqsas jańalyqtar

«Úsh jyl buryn óńirdegi 8 ózenniń jaǵasyn bekemdep, arnasyn tereńdetý úshin bıýdjetten 6 mlrd teńgeden astam qarajat bólingen bolatyn. Sol jumystardyń kesirinen jergilikti ózender men sý qoımalary ylǵal kózinen aıryldy. Ekologtar sonyń saldarynan Aqtóbe oblysynda aýyzsý tapshylyǵy týyndaýy múmkin degen qaýip aıtyp júr. Bıyl Shalqar kóliniń tabanyn tazartýǵa taǵy 3 mlrd teńge bólindi. Osynsha shyǵynmen istelgen jumystyń halyqqa qandaı paıdasy bar? Nátıjesinde ózenderdiń sýy kóbeıgen joq qoı», - dep surady BAQ ókili Ońdasyn Orazalınnen.

«6 mlrd teńge týraly aqparatyńyzda qatelik bar. Jobanyń tolyq quny sonsha bolatyn. Joba qazir toqtatylǵan. Qasym-Jomart Kemelulynyń tapsyrmasy boıynsha óńirge Ekologııa, geologııa jáne tabıǵı resýrstar mınıstri Maǵzum Myrzaǵalıev kelgenin bilesiz. Sol kezde qoǵamdyq qaýymdastyq ókilderimen birge jobany toqtata turý týraly sheshim qabyldanǵan. Joba túzetýge jiberildi. Túzetý ekologııa qaýymdastyq talap-tilekterin eskere otyryp, jalǵasyp jatyr. Siz ataǵan kólemdegi aqsha shyǵyndalǵan joq», - dedi Ońdasyn Orazalın ortalyq kommýnıkatsııalar qyzmetinde ótken baspasóz konferentsııasynda.

Sondaı-aq, ol atalǵan ózenderdiń sýy azaıyp ketkeni klımattyq ózgeristerge baılanysty degen paıym aıtty.

«Ózen arnasyn tereńdetý jumysy týraly aıtsaq, qanshalyqty qajet ekenin saraptama bitkennen keıin habarlaımyz. Jobany respýblıka tarapynan qarjylandyrý máselesiniń de basy ashyq tur. Shalqar kóliniń tabanyn tazartý jumysy qajet pe, joq pa degendi aýdannyń turǵyndarynan suraǵan jón dep oılaımyn. Meniń oıymsha, bul jumys qajet. Turǵyndardyń ótinishin Memleket basshysy da qoldaǵan bolatyn. Aspannan jaýatyn jańbyrdyń kólemi bizge baılanysty emes qoı. Bir jyl bir jylǵa uqsamaı tur. Aldaǵy jyldarda óńirdegi ózen arnalary qalpyna keledi dep úmittenemin», - dedi Ońdasyn Orazalın.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059

MURAǴAT