Aqtóbede 300-den astam medqyzmetker vaktsınanyń ekinshi dozasyn qabyldady

AQTÓBE. QazAqparat – Aqtóbe oblysy boıynsha barlyǵy 1 myń medıtsına qyzmetkeri ekpe qabyldap, olardyń 300-den astamy ekinshi dozasyn aldy, dep habarlaıdy QazAqparat tilshisi.

Uqsas jańalyqtar

300 myń adam vaktsına qabyldasa, elordada indettiń ósýi toqtaıdy –densaýlyq saqtaý basqarmasynyń basshysy

Qyzylorda oblysynda bilim bóliminiń basshylary vaktsına saldyrdy Óskemen turǵyndary meshitke baryp vaktsına ala alady Almatyda dinı birlestik ókilderi koronavırýsqa qarsy vaktsına saldyrdy

Ótken táýlikte óńirde 19 adamnan koronavırýs ınfektsııasy anyqtaldy. Vırýs juqtyrǵandardyń 14-i derttiń sımptomdy túrine shaldyqqan.

«Qazirgi kezde 159 naýqas em qabyldap jatyr. Onyń 52-i ınfektsııalyq statsıonarlardaǵy aq halattylardyń baqylaýynda. Jansaqtaý bólimindegi bes naýqas ókpeni jasandy jeldetý apparatyna qosylǵan. Sonymen birge ótken táýlikte 3 adam pnevmonııa dıagnozymen aýrýhaǵa tústi. Barlyǵy 48 naýqas em alyp jatyr», - dedi oblystyq densaýlyq saqtaý basqarmasy basshysynyń orynbasary Bekbolat Іzbasarov.

Karantındik statsıonarda 23 adam bar. Shekaradaǵy karantındik stantsııalarda 8 adam jatyr.

«Oblysta 300-den astam medıtsına qyzmetkeri vaktsınanyń ekinshi dozasyn qabyldady. Báriniń jaǵdaıy jaqsy. Densaýlyǵyna shaǵym aıtqan eshkim bolmady», - dedi Bekbolat Іzbasarov.

Aıta keteıik, qazirgi kezde 800-ge jýyq adam úı karantıninde jatyr.