Aqtóbede 23 sheteldik elden shyǵaryldy
2022 jylǵy 25 qańtar 03:30

Aqtóbede 23 sheteldik elden shyǵaryldy

AQTÓBE. QazAqparat – Aqtóbege byltyr 15 080 sheteldik keldi. Onyń 23-i kóshi-qon zańnamasyn buzyp, elden shyǵaryldy, dep habarlaıdy QazAqparat tilshisi.

Byltyr oblys aýmaǵyna 15 080 sheteldik kelip, ýaqytsha tirkeldi. Zańsyz kóshi-qon arnalarynyń jolyn kesý, zańsyz eńbek qyzmetimen aınalysatyn sheteldikterdi anyqtaý maqsatynda polıtsııa qyzmetkerleri turaqty negizde «Zańsyz kelýshi» atty jedel-aldyn alý sharasyn ótkizedi.

«Kóshi-qon zańnamasyn buzǵany úshin 1824 adam ákimshilik jaýapqa tartyldy. Budan basqa 23 sheteldik respýblıka aýmaǵynan shyǵaryldy. Sonymen birge memlekettik shekarany zańsyz kesip ótý deregi de tirkeldi. Mundaı 7 is boldy. Qos eldiń azamattyǵyn alǵany úshin 104 adam ákimshilik jaýapqa tartyldy», - dep habarlady oblystyq PD baspasóz qyzmetiniń jetekshisi Erbolat Sarqulov.

Jyl basynan beri kóshi-qon qyzmeti basqarmasynyń qyzmetkerleri 230 200 memlekettik qyzmet kórsetti.


Jańalyqtar

MURAǴAT