+7 (701) 759 90 19
USD 420.29 EUR 506.87
RUB 5.66 CNY 64.73
Jańalyqtar

Aqtóbede 22 myń jumysshynyń eńbekaqysy ósedi

2020 jylǵy 17 qańtar 07:40
Bólisińiz:
Aqtóbede 22 myń jumysshynyń eńbekaqysy ósedi

AQTÓBE. QazAqparat - 2020 jyly 28 iri jáne orta kásiporyn 22 myń jumysshynyń eńbekaqysyn ósiredi, dep habarlaıdy QazAqparat tilshisi oblys ákiminiń baspasóz qyzmetine silteme jasap.

Aqtóbe oblysynyń 2019 jylǵy jalpy áleýmettik-ekonomıkalyq kórsetkishi qorytyndylandy.

«Oblystyń qysqa merzimdi ekonomıkalyq ındıkatory 105,7% qurap, ónerkásip – 105,9%, ınvestıtsııa – 107,5%, aýyl sharýashylyǵy – 103,7%, bólshek jáne kóterme saýda – 104,9%, qurylys – 105,8%, turǵyn úıdi paıdalanýǵa berý – 112,4% qurady» - dep atap ótti oblys ákimi.
Oblys ákiminiń orynbasary Rýslan Mamýnovtyń aıtýynsha, úsh jyl qatarynan óńirdiń ekonomıkalyq ósimi 5% qurap, barlyq áleýmettik-ekonomıkalyq kórsetkish kólemi artqan. Qazir oblysta taý-ken óndirý sektorynda 200-ge jýyq kásiporyn jumys isteıdi. Olar jyl saıyn shamamen 6 mln tonna munaı ónimderin, 6 mln tonna hrom rýdasy, 4,5 mln tonna hrom kontsentrattary, 3 mln tonna mys kenderin óndiredi.

Ótken jyly oblysta 1,02 mln sharshy metr turǵyn úı paıdalanýǵa berildi. 2020 jyly «Baqytty otbasy» baǵdarlamasyn iske asyrý úshin 7,5 mlrd teńge bólinedi. Quny 31,9 mlrd teńgeni quraıtyn 98 iri jobany iske qosý josparlanyp otyr. Qazirgi tańda respýblıkalyq jáne oblystyq bıýdjettiń qarjylandyrýy esebinen jalpy quny 4,3 mlrd teńgege 15 gazdandyrý jobasy júzege asyrylýda. Sýmen jabdyqtaý jumysy kezinde quny 9,7 mlrd teńgeni quraıtyn 16 joba qoldaý tapqan. Oblys ákimi osy tusta qurylysy uzaqqa sozylǵan nysandardy synǵa aldy.

Aıta keteıik, óńirde 2 myńnan astam kásiporyn 75 myń qyzmetkeriniń jalaqysyn orta eseppen 10-15% kóterdi. 2020 jyly 28 iri jáne orta kásiporyn 22 myń qyzmetkerdiń eńbekaqysyn arttyrýdy josparlap otyr. Kásipkerlik baǵytynda damý ınstıtýttary arqyly qarjylandyrýdyń barlyq kózderinen 2,1 myń kásipkerlik sýbektisine 33 mlrd teńge kóleminde qoldaý kórsetildi.
«Jyl qorytyndysynyń kórsetkishi jaman emes, degenmen sheshýdi qajet etetin kemshilikter de jeterlik. Árqaısysyńyz óz salalaryńyzǵa qatysty qorytyndy shyǵaryp, turǵyndardyń ál-aýqatyn arttyrý, óńir ekonomıkasynyń damýyna jumylyp jumys isteý kerek»,- dedi Ońdasyn Orazalın.



Bizdiń kanalymyzǵa jazylyńyz:

Bólisińiz:

Avtor:

Altynaı Saǵyndyqova

Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT