+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Aqtóbe rels zaýyty ónimderin synaqtan ótkizý týraly reseılik ǵylymı-zertteý ınstıtýtymen kelisim jasady

2016 jylǵy 18 qarasha 05:30
Bólisińiz:
Aqtóbe rels zaýyty ónimderin synaqtan ótkizý týraly reseılik ǵylymı-zertteý ınstıtýtymen kelisim jasady

ASTANA. QazAqparat - Aqtóbe rels arqaýy zaýytynyń rels ónimderi Keden odaǵynyń «Temir jol kóligi ınfraqurylymy qaýipsizdigi týraly» tehnıkalyq reglamentke sáıkestigi jóninde sertıfıkatqa ıe boldy, dep habarlaıdy «Qazaqstan temir joly» UK» AQ baspasóz qyzmeti.

Bul sertıfıkat rels ónimderin «1520 keńistigi» men EAEO elderine eksportqa shyǵarýǵa múmkindik beredi. Máskeýdegi Búkilreseı temir jol kóligi ǵylymı-zertteý ınstıtýty («BǴZI» AQ) uıymdastyrǵan rels ónimderin synaýdyń biryńǵaı talaptaryn jasaý máselesine arnalǵan konferentsııada osy jaı aıtyldy.
«BǴZI» AQ zerthanasynyń meńgerýshisi A. Bortstyń aıtýynsha, «Aqtóbe rels arqaýy zaýytynyń DT350 kategorııasyndaǵy relsterin synaqtan ótkizý nátıjesinde onyń mehanıkalyq qalyby, tózimdiligi, jaryqshaqqa shydamdylyǵy sekildi tehnıkalyq minezdemeleri sapasy boıynsha álemdik ónim óndirýshilermen sáıkes keledi. Keı jaǵdaılarda olardan da sapaly tustary bar».

«Bıyl mamyr men qazan aılary aralyǵynda rels arnaıy synaq polıgonynda tájirıbeden ótkizildi. 150 mıllıon tonna brýttolyq júkter ótkizilgennen keıin joldan jaryqshaqty relster baıqalǵan joq. Relstiń 150 mıllıon tonna júk ótkizilgenen keıingi shydamdylyǵynyń gamma paıyzdyq ólshemi 100% qurady. Qazaqstandyq ónim óndirýshiler shyǵaratyn R65 túrindegi DT350 relsteri GOST R 51685-2013 barlyq talaptaryna sáıkes keledi», - dedi «BǴZI» AQ synaq zerthanasynyń bastyǵy A. Savın.
Rels ónimderiniń qanshalyqty uzaq saqtalatyndyǵyn anyqtaý úshin 750 mıllıon tonna brýttodan da joǵary salmaqtarǵa synaqtar jalǵasatyn bolady. Soǵan baılanysty konferentsııa qorytyndysy boıynsha Aqtóbe rels arqaýy zaýyty men Búkilreseı temir jol kóligi ǵylymı- zertteý ınstıtýty arasynda ónimderdi synaqtan ótkizý týraly kelisim jasaldy.

Konferentsııada «Qazaqstan temir joly» UK» AQ bas ınjeneri B. Orynbasarov sóz sóıledi. Ol «qazaqstandyq ónim óndirýshiler men reseılik synaq zertteý ınstıtýty ortalyǵynyń arasyndaǵy belsendi seriktestik joǵary qaýipsizdik talaptaryn saqtaý men temir jol ónimderin EEO pen «1520 mm keńistigindegi» sapalyq deńgeıdi turaqtandyrýǵa qyzmet etedi», dedi ol.
Konferentsııa qatysýshylary budan basqa temir jol relsteriniń memleketaralyq standarttary jobasyn jasaý turǵysyndaǵy máseleni talqylady. Atalmysh qujat 2017 jyly bekitiletin bolady.

Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT