Aqtóbe oblysynyń bas ekologine qatysty qylmystyq is qozǵaldy
2022 jylǵy 10 naýryz 15:24

Aqtóbe oblysynyń bas ekologine qatysty qylmystyq is qozǵaldy

AQTÓBE. QazAqparat – Aqtóbe oblystyq ekologııa basqarmasynyń basshysy Nurjan Aqqulǵa qatysty qylmystyq is qozǵalǵan. Qazir tergeý júrip jatyr, dep habarlaıdy QazAqparat tilshisi.

Aqtóbe oblystyq ekologııa basqarmasynyń basshysy Nurjan Aqqul kásipkerden 400 myń teńge aqsha alǵan. Qazir osy isi úshin jaýap berip jatyr.

«Nurjan Aqqulǵa qatysty qylmystyq is qozǵaldy. Byltyr jeltoqsan aıynda kásipkerden 400 myń teńge bopsalap alǵan. Qazirgi tańda tergeý júrip jatyr. Ol óz kinásin moıyndap, tergeýge kómektesken. Aqtóbe oblystyq ekologııa departamenti tikeleı mınıstrlikke baǵynady. Sondyqtan oblys ákiminiń orynbasarlarynan eshkim jaýapkershilikke tartylmaıdy», - dedi oblys ákiminiń birinshi orynbasary Rýslan Hambarov.

Aıta keteıik, Nurjan Aqqul 2014-2020 jyldar aralyǵynda Aqtóbe oblystyq tabıǵı resýrstar jáne tabıǵatty paıdalanýdy retteý basqarmasynda basshy bolyp, 2020 jyldyń sáýir aıynan bastap oblystyq ekologııa departamenti basshysy qyzmetin atqardy.


Uqsas jańalyqtar

Jańalyqtar

Úrdis

MURAǴAT