+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

Aqtóbe oblysynyń ákimi engiziletin shekteýlerge baılanysty úndeý joldady

2020 jylǵy 30 naýryz 01:31
Bólisińiz:
Aqtóbe oblysynyń ákimi engiziletin shekteýlerge baılanysty úndeý joldady

AQTÓBE. QazAqparat – Aqtóbe oblysynda 31 naýryzdan bastap birqatar shekteý sharalary engiziledi. Osyǵan oraı aımaq ákimi Ońdasyn Orazalın jergilikti telearna arqyly turǵyndarǵa úndeý joldady, dep habarlaıdy QazAqparat tilshisi.

31 naýryzdan bastap oblysta balabaqshalar jumysyn toqtatyp, birqatar saýda oryndary jabylady. Tek azyq-túlik dúkenderi, dárihanalar jumysyn jalǵastyrady. Oblys ákimi Ońdasyn Orazalın aqtóbelikterge qaýipsizdik jumystaryn túsindirip berdi.

«Aqtóbe qalasynda búgingi kúnge deıin koronavırýs juqtyrǵan bir ǵana naýqas tirkelgen edi, taǵy bir adam anyqtalyp, ekeý boldy. Osymen shektelip qalsaq, qanekı. Sondyqtan «qaýip joq» degen oıdan aýlaq bolyp, saqtyq sharalaryn kúsheıtýimiz kerek. Sol sebepti tótenshe jaǵdaı rejımin qamtamasyz etý jónindegi memlekettik komıssııaǵa usynys engizdim. Olar qoldady. Aqtóbe oblysynda erteń, ıaǵnı 30 naýryzdan 31-ine qaraǵan túni saǵat 00.00-den bastap erekshe jaǵdaıdaǵy shekteý rejımi engiziledi. Aqtóbe qalasynyń jáne barlyq aýdandardyń syrtqy perımetrlerine blokbeketter qoıylady. Tranzıttik kólikter, sondaı-aq tamaq ónimderi, dári-dármekter jáne medıtsınalyq maqsattaǵy buıymdar, Aqtóbe oblysynyń jáne Aqtóbe qalasynyń ónerkásiptik, aýylsharýashylyq kásiporyndaryna qajetti taýarlar men materıaldardy tasymaldaıtyn kólikterge arnaıy ruqsat qaǵazdary beriledi. Basqa kólik quraldary men azmattarǵa oblys aýmaǵy men Aqtóbe qalasynyń terrıtorııasyna kirýge jáne shyǵýǵa tyıym salynady», - dedi aımaq basshysy.

Atap ótilgendeı, polıtsııa, Ulttyq gvardııanyń jeke quramy, arnaıy quram jáne Qorǵanys mınıstrliginiń áskerı kúshteri kúsheıtilgen tártipti júzege asyrýǵa kirisedi.

«Muny biz durys túsinýimiz kerek. Erekshe jaǵdaıdaǵy shekteý, ıaǵnı oqshaýlaný, ol eń áýeli, óz ómirimizdi saqtaý úshin qajet. Jáne basqalarǵa qaýip týdyrmaýdyń alǵysharty. Sol sebepti bógde adamdarmen qarym-qatynasty toqtatý kerek. Meıli ol jaqyn týmańyz, kórshińiz bolsa da. Osyndaı temirdeı tártipke baǵynsaq – zardaptan aman qalamyz. Ózimiz de, otbasymyz da. Іndet keń taraǵan elderdiń tájirıbesi bizge osyny kórsetedi. Tek oqshaýlaný ǵana bizdi indet dertin juqtyrýdan saqtandyrady», - dedi ol.

O.Orazalın kópqabatty jáne jer úılerde turatyn turǵyndardan asa qajettilik bolmasa syrtqa shyqpaýdy surady.

«Qalada da aýylda da osyndaı tártip ornatylsyn. Azyq-túlik dúkenderi men dárihanalar jumystaryn jalǵastyrady. Kúndelikti qajet zattardy, azyq-túlik, dári-dármek alý úshin jaqyn ornalasqan dúkenge, dárihanaǵa barýǵa ruqsat beriledi. Úıden tek asa qajet bolǵanda ǵana shyqqan jón. Basqadaı beısaýat júristerge tyıym salynady. Erekshe jaǵdaıdaǵy shekteý rejımin buzǵandarǵa zań júzinde qatań shara qoldanylady. Joǵarǵy mólsherde aıyppul salynady jáne qamaýǵa alynady. Qalalar men aýdan ortalyqtarynda úıden shyqpaı ınternet, telefon arqyly tapsyrys berý qarastyrylǵan. Óńirde azyq-túlik, dári-dármek qory jetkilikti. Oǵan alańdaýdyń qajeti joq. Dezınfektsııalyq zalalsyzdandyrý zattarynyń da qory mol. Ózderińizge karantın jaǵdaıyndaǵy erejeler jaıly aqparat telearnalar men áleýmettik jeliler arqyly taratylady. Eger indettiń alǵashqy belgileri ózińizde nemese jaqyndaryńyzda baıqalsa, birden jedel járdem shaqyryńyz», - dedi úndeýde aımaq basshysy.

Málim etilgendeı, naýqasqa shaldyqqandardy oqshaýlaýǵa, medıtsınalyq kómek berýge tıisti oryndar anyqtalǵan. Qural-jabdyqtar, bilikti mamandar jetkilikti. Arnaıy qurylǵan shtab kúni-túni qyzmet etedi. Sý, jylý, elektr jaryǵy, gaz ýaqtyly beriledi. Barlyq mekemelerde, qoǵamdyq oryndarda, kóshelerde sanıtarlyq-dezınfektsııalaý tártibi qatań saqtalady. Qoǵamdyq kólik tasymaldaýy men taksı qyzmetteri de qatań tártippen jumys jasaıtyn bolady.

«Biz mundaı náýbettiń talaıyn bastan ótkizgen halyqpyz. Osyndaı syn saǵatta el ekendigimizdi kórseteıik. Bir-birimizge demeý bolaıyq. Jasy úlken qarttarymyzdy umytpaıyq. Olar úılerinde japadan jalǵyz, nazardan tys qalyp júrmesin. Kórshi-kólem bolyp, telefonmen hal-jaǵdaı surasyp turaıyq. Qajettilikterin óteýge járdem bereıik. Kópbalaly otbasylaryn da umytpaıyq. Ómir bir orynda turmaıdy. Eń bastysy, úmitimizdi úkilep, erteńgi kúnge senimimizdi arttyraıyq. Eldigimizdi asqaqtatyp, ulttyq uıysýdyń úlgisin kórseteıik. Óıtkeni eshkim de syrttan kelip bizdiń jaǵdaıymyzdy túzetip bermeıdi. Ne jasasaq ta - ózimiz jasaımyz. Tek bereke-birlik bolsyn. Sonda ǵana qandaı qıyndyq bolsa da birge jeńip shyǵamyz», - dedi oblys ákimi.


Bizdiń kanalymyzǵa jazylyńyz:

Basty sózder: Aqtóbe oblysy, Aımaq, Koronavırýs,
Bólisińiz:

Avtor:

Altynaı Saǵyndyqova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT