Aqtóbe oblysynyń ákimi Amangeldi Aıtalyny quttyqtady

AQTÓBE. QazAqparat –Oblys ákimi Ońdasyn Orazalın qoǵam qaıratkeri Amangeldi Aıtalyny 80 jasqa tolý mereıtoıymen quttyqtady, dep habarlaıdy QazAqparat tilshisi.

Óńir basshysy O.Orazalın óziniń áleýmettik jelidegi paraqshasynda Amangeldi Aıtalyny týǵan kúnimen quttyqtaǵany týraly jazdy.

«Adamnyń adamgershiligi men izgi qadir-qasıetteri onyń jan dúnıesiniń tazalyǵynda, bekzat bolmysynda, adaldyǵy men qaıratkerliginde. Búgin mereıli 80 jasqa tolǵan Amangeldi Ábdirahmanulyn týǵan kúnimen quttyqtadym! Barsha qazaq jurtshylyǵy Amangeldi Ábdirahmanulyn ǵalymdyq pen zııalylyqty ushtastyrǵan, eliniń ardaqty azamaty, tanymal tulǵa, zerdeli ǵalym, QR Parlamenti Májilisiniń depýtaty, memleket jáne qoǵam qaıratkeri retinde qurmettep, maqtanysh tutady.», - dedi Ońdasyn Orazalın.

Ákim qoǵam qaıratkeriniń ıyǵyna shapan japty.