+7 (701) 759 90 19
USD 417.9 EUR 503.07
RUB 5.64 CNY 64.7
Jańalyqtar

Aqtóbe oblysyndaǵy kenishte bolǵan qaıǵyly oqıǵanyń sebebi anyqtaldy

2021 jylǵy 22 qańtar 11:44
Bólisińiz:
Aqtóbe oblysyndaǵy kenishte bolǵan qaıǵyly oqıǵanyń sebebi anyqtaldy

NUR-SULTAN. QazAqparat - Aqtóbe oblysynyń Hromtaý aýdanyndaǵy «Vesenne – Aralchınskıı» jerasty kenishindegi qaıǵyly oqıǵanyń sebep-saldary belgili boldy, dep habarlaıdy QazAqparat.

Uqsas jańalyqtar
Almatydaǵy túrmeden qashqan adam Aqtóbede qolǵa tústi Aqtóbedegi órt: kúıik shalǵan jigit oblys ortalyǵyna jetkizildi Aqtóbe prokýratýrasy 200-den astam kásipkerdiń quqyǵyn qorǵady

QR Eńbek jáne halyqty áleýmettik qorǵaý mınıstrligi baspasóz qyzmeti taratqan aqparatqa qaraǵanda, qaıǵyly oqıǵa 2020 jylǵy 30 jeltoqsanda keshke jarylys jumystaryn oryndaý kezinde bolǵan.

Oqıǵa saldarynan «Aqtóbe Mys kompanııasy» JShS qyzmetkerleri: taý-ken sheberi Ashat Qaıqanov, jarýshylar Rýstam Shámetov pen Denıs Chernyı, jerasty ózdiginen júretin mashınalardyń mashınısi Berik Jaqypov qaza tapty.

Oqıǵanyń mán-jaıyn tergep-tekserý úshin QR Eńbek jáne halyqty áleýmettik qorǵaý mınıstrligi (budan ári – Eńbekmıni) qurǵan komıssııa 4 jumysshynyń qaza bolýynyń negizgi sebepterin anyqtady. Osy maqsatta Eńbekmıni Aqtóbe oblysy boıynsha bas memlekettik eńbek ınspektory Salamat Amanbaevtyń tóraǵalyǵymen arnaıy komıssııa qurdy.

«Osy jazataıym oqıǵaǵa ákep soqqan mán-jaılardy jan-jaqty jáne obektıvti zerdelep, kýágerlerden suraý barysynda jınalǵan barlyq dálelder bazasyn nazarǵa ala otyryp jáne jumys berýshiniń tehnıkalyq qujattamasy men materıaldaryn zerdeleý nátıjeleri boıynsha komıssııa qaıǵyly oqıǵa óndirispen baılanysty degen qorytyndyǵa keldi»,-delingen habarlamada.

Komıssııa mynadaı negizgi sebepterdi anyqtady: jumyskerler qaýipsizdik talaptaryn óreskel túrde buzǵan, jumys berýshi eńbek qaýipsizdigi jáne eńbekti qorǵaý erejelerin buzǵan, jumys óndirisi talapqa saı uıymdastyrylmaǵan.

«Komıssııa músheleri qaza tapqan qyzmetkerlerdiń týystarymen kezdesip, olarǵa qoldanystaǵy zańnamaǵa sáıkes áleýmettik qorǵaýǵa zańdy quqyqtaryn túsindirdi. Arnaıy tergep-tekserý materıaldary protsestik sheshimder qabyldaý úshin Aqtóbe qalasynyń quqyq qorǵaý organdaryna berildi»,-dep habarlady mnıstrliktiń baspasóz qyzmeti.


Bizdiń kanalymyzǵa jazylyńyz:

Bólisińiz:

Avtor:

Altynaı Saǵyndyqova

Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT