Aqtóbe oblysynda 6 iri sý qoımasy salynady
2022 jylǵy 25 maýsym 00:16

Aqtóbe oblysynda 6 iri sý qoımasy salynady

AQTÓBE. QazAqparat - Aqtóbe qalasynda 6 iri sý qoımasyn (Dostyq, Temir, Jambyl, Kókterek, Jaman-Qarǵaly jáne Álııa) salynady. Qazirgi ýaqytta jobalyq qujattamany ázirleý jumystary júrgizilip jatyr.

Bul týraly búgin QR Ekologııa, geologııa jáne tabıǵı resýrstar mınıstri Serikqalı Brekeshevtiń Aqtóbe oblysy turǵyndarymen kezdesýinen málim boldy, dep habarlaıdy QazAqparat mınıstrliktiń baspasóz qyzmetine silteme jasap.

Jıynda respýblıkalyq bıýdjet esebinen Shalqar kólin tazartý jumystary júrip jatqany aıtyldy (jalpy quny 3,1 mlrd teńge). Jumystyń 45%-y oryndaldy. Shyǵarylatyn tómengi tunbanyń kólemi 3,0 mln. m3 quraıdy, 963 myń m3 tazartyldy. Kóldi tazartý sýdyń sapasyn arttyrýǵa, Shalqar qalasynyń halqyn sharýashylyq-turmystyq sýmen jabdyqtaý sapasyn jaqsartýǵa jáne jalpy Aral óńiriniń ekologııasyn jaqsartýǵa múmkindik beredi.

«Mınıstrlik aldaǵy jyldary (2023-2024) Jem ózeniniń arnasyn tazartý, Oıyl ózenin saýyqtyrý, Elek, Qarǵaly jáne Jińishke ózenderi arnasyn tazartý, túbin tereńdetý jáne jaǵalaýdy nyǵaıtý jumystaryn bastaýdy josparlap otyr. 2023-2025 jyldarǵa arnalǵan respýblıkalyq bıýdjetti qalyptastyrý sheńberinde joǵaryda atalǵan jobalardy iske asyrý úshin Qarjy mınıstrligine bıýdjettik ótinim berildi», - delingen mınıstrliktiń baspasóz qyzmeti taratqan habarlamada.


Uqsas jańalyqtar

Jańalyqtar

Úrdis

MURAǴAT