+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Aqtóbe oblysynda 31 naýryzdan birqatar shekteý engiziledi

2020 jylǵy 29 naýryz 20:26
Bólisińiz:
Aqtóbe oblysynda 31 naýryzdan birqatar shekteý engiziledi

AQTÓBE. QazAqparat - Aqtóbe oblysynyń ákimdigi janyndaǵy jedel shtab óńir aýmaǵynda birqatar shekteý sharalary engiziletinin málim etti, dep habarlaıdy QazAqparat tilshisi.

Koronavırýstyń taralýyn aldyn alý maqsatynda 31 naýryz saǵat 00:00-den bastap sanıtarlyq-epıdemııaa qarsy is-sharalar júzege asyrylady jáne jeke, zańdy tulǵalarǵa arnalǵan sharýashylyq jáne ózge de qyzmetke erekshe talap engiziledi.
Qaýlyda kelesideı shekteý sharalary men talaptar qoıylǵan.
1. Tranzıttik kólikterdi, sondaı-aq tamaq ónimderi, dári-dármekter jáne medıtsınalyq maqsattaǵy buıymdar, Aqtóbe oblysy men Aqtóbe qalasynyń ónerkásiptik, aýylsharýashylyq kásiporyndarynyń úzilissiz jumys isteýin qamtamasyz etýge arnalǵan taýarlar men materıaldardy tasıtyn kólikterdi qospaǵanda, kólik quraldarynyń barlyq túrlerine jáne azamattarǵa Aqtóbe oblysy men Aqtóbe qalasynyń aýmaǵyna kirýge jáne shyǵýǵa tyıym salynady.
2. Memlekettik organdar men uıymdardyń basshylaryna, sondaı-aq menshik nysanyna qaramastan zańdy tulǵalarǵa, jeke kásipkerlerge jáne jeke tulǵalarǵa (adamdar kóp jınalatyn obektilerdiń ıeleri men jalǵa alýshylaryna) tehnıkalyq jáne uıymdastyrýshylyq múmkindigine oraı, jumysshylardy qashyqtyqtan jumys rejımine aýystyrý usynylady.
3. Tómendegideı qyzmetter toqtatylady:
- barlyq memlekettik jáne jeke menshik balabaqshalardyń jumysy;
- iri saýda ortalyqtarynyń (azyq-túlik dúkenderi men olarda ornalasqan dárihanalardan basqa), saıabaqtar, zoodúkender, monsha keshenderi (jeke kabınalarmen birge), sanıtarııalyq-kýrorttyq nysandar, ásemdik salondary, shashtarazdar, saýnalar men massaj bólmeleri, bılıard bólmeleri, kompıýterlik, ınternet-klýbtar, oıyn bólmeleri, boýlıng ortalyqtary, býkmekerlik kontoralar, loto, sporttyq keshenderi (úıirmeler, sektsııalar), fýtboldar alańdary, balalardyń damý ortalyqtary jáne basqa da halyq kóp shoǵyrlanǵan nysandardyń jumysy;
- azyq-túlik, mal, avtomobıl, kıim-keshek, qurylys bazarlary;
- azyq-túlik taýarlarynyń jármeńkeleri;
- úılený salondary, merekelik zaldarynyń jumysy;
- uıaly telefondardy satatyn jáne jóndeıtin dúkenderdiń jumysy.
4. Qoǵamdyq tamaqtaný oryndarynda (kafeler, meıramhalar, barlar, ashanalar jáne t.b.) azamattar men kásiporyndardyń úı-jaılaryna barmaı-aq, alyp ketý jáne aparyp berýdi táýlik boıy júzege asyratyn qyzmetterdi qospaǵandaǵy, tamaqtaný oryndarynyń jumysy toqtatylady.
5. Aqtóbe oblysy jáne Aqtóbe qalasynyń turǵyndaryna:
- azyq-túlik, birinshi kezekte qajetti zattardy, dárilik zattar men medıtsınalyq buıymdardy satyp alýdy, medıtsınalyq kómekke júginýdi qospaǵanda, turǵyn úıden shyǵýdy shekteý qajet;
- otbasy múshelerin qospaǵanda, úsh adamnan kóp toptarda adamdardyń qozǵalysyna jol berilmeıdi;
- 65 jastan joǵary azamattarǵa oqshaýlaý tártibin saqtaý qajet.
6. Quqyq qorǵaý organdary menshik túrine qaramastan barlyq jeke jáne zańdy tulǵalardyń Qaýlynyń oryndalýyn qamtamasyz etsin.
7. Barlyq suraqtar boıynsha 906-606 nómiri boıynsha Call-ortalyqqa habarlasýǵa bolady.

Aıta keteıik, Aqtóbe oblysynda koronavırýs ınfektsııasyna shaldyǵýdyń 1 oqıǵasy tirkeldi. Qazaqstan boıynsha naýqastar sany 271-ge jetti.


Bizdiń kanalymyzǵa jazylyńyz:

Bólisińiz:

Avtor:

Altynaı Saǵyndyqova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT