+7 (701) 759 90 19
USD 386.44 EUR 428.37
RUB 6.06 CNY 54.93
Jańalyqtar

Aqtóbe oblysy ákiminiń orynbasary jalaqy kóterýdi suraǵan jumysshylarmen kezdesti

2019 jylǵy 11 qazan 14:45
Bólisińiz:
Aqtóbe oblysy ákiminiń orynbasary jalaqy kóterýdi suraǵan jumysshylarmen kezdesti

AQTÓBE. QazAqparat – Búgin Aqtóbe oblysynda «Shyǵys munaı jáne servıstik qyzmet» JShS-nyń jumysshylary jalaqyny kóterýdi surap, kompanııa basshylyǵymen kezdesti, dep habarlaıdy QazAqparat tilshisi.

JShS-da 1 myńnan astam jumysshy bar. Óńirdegi munaı óndiretin kásiporyndarǵa tehnıkalyq qyzmet kórsetetin kompanııanyń jumysshylary buǵan deıin de basshylarymen kezdesip, jalaqy kóterý máselesin qozǵaǵan edi. 2019 jyldyń qańtar aıynda eńbekaqy – 9 paıyzǵa, qyrkúıekte 20 paıyzǵa ósken. Al jumysshylar ony 50 paıyzǵa deıin kóterýdi surap otyr.


«Ózge tehnıkalyq qyzmet kórsetý kompanııalarymen salystyrǵanda bizde jalaqy az. Buǵan deıin ony 50 paıyzǵa kóterý máselesi qozǵaldy. Óz jalaqym – 170 myń teńge. Sanaty tómen adamdar 90 myń teńge alady. Burǵylaý kompanııasy úshin – bul uıat. Jumysy aýyr, tabysy az», - dedi burǵylaýshy Amantaı Berdimaǵambetov.

Jumysshylardyń barlyǵy bir ǵana – jalaqy máselesin qozǵady.

«Jumys berýshi 20 paıyzdan artyq jalaqyny kótere almaıtyndaryn aıtty. Biz – kelispeımiz. Búgin bas keńsege jınalyp, óz talabymyzdy aıtyp jatyrmyz. Jumys 14 qazanda aıaqtalýy tıis edi, birneshe brıgada jumysshysyn ákimshilik demalys dep keri qaıtaryp jiberdi. Endi jumystyń qaı ýaqytta qaıta jandanatynyn bilmeımiz», - dedi burǵylaýshynyń birinshi kómekshisi Rýslan Shoqparov.

Kompanııa ujymy jınalǵan jerge oblys ákiminiń orynbasary Qaırat Bekenov kelip, kezdesý ótkizdi.


«Sońǵy jyldary bul kompanııa jalaqyny múlde kótermedi. Tek bıyl 29 paıyzdyq ósim tirkeldi. Jumystyń ýaqytsha toqtaǵanyna jumysshylar óz narazylyqtaryn bildirdi. Bul, servıstik mekeme bolǵan soń, tabys ta sol baǵytqa baılanysty ózgeredi. Tabys az bolsa, jalaqy da tómen. Kompanııa shyǵyny asyp ketkenine qaramastan jalaqy kóterýge kelisti. Buryn 110 myń teńge alǵan jumysshy qazir 146 myń teńge jalaqysyn aldy. Keıbirine 250 myń teńgege jetti. Eńbekaqy kóterý isi toqtamaıdy – jalǵasady», - dedi Qaırat Bekenov.

Sondaı-aq ol kompanııadaǵy jalaqy aıyrmashylyǵy týraly aıtty.


«Jergilikti jáne sheteldik jumysshylar jalaqysynyń arasyndaǵy aıyrmashylyqqa baılanysty tekseris boldy. Zańǵa sáıkes aıyppul salynyp, talaptar qoıyldy. Máselege prokýratýra jaýap bere alady», - dedi oblys basshysynyń orynbasary.

Aqtóbe oblystyq Eńbek ınspektsııasy basqarmasynyń basshysy Salamat Amanbaevtyń aıtýynsha, jumysshylardan aryz tústi, aldaǵy ýaqytta tekserý júredi.


«Bul kompanııada 106 shetel azamaty jumys istep jatyr. Keler jyly olardyń qataryn azaıtamyz. Eń tómengi – tórtinshi sanattaǵy jumysshylar joqtyń qasy», - dedi S.Amanbaev.

Óz kezeginde «Shyǵys munaı jáne servıstik qyzmet» JShS dırektory Chjan Baotszıýn jumysshylardyń talabyn oryndy dep sanaıdy.

«Shyǵys munaı jáne servıstik qyzmet» JShS-nyń basshylyǵy jumysshylardyń talaby oryndy dep sanaıdy. Tek ekonomıkalyq qıyndyqtarǵa baılanysty qazir bul múmkin emes. Kompanııa basshylyǵy «eki jylda óńirdegi servıstik mekemeler ishinde jalaqysy eń joǵary bolady» degen ýáde berip otyr.


Bizdiń kanalymyzǵa jazylyńyz:

Basty sózder: Aqtóbe oblysy, Qoǵam, Ákimdik, Aımaq,
Bólisińiz:

Avtor:

Altynaı Saǵyndyqova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT