Aqtaýlyqtar oıyn alańynyń ornyna medıtsınalyq ortalyq salýǵa qarsy shyqty

AQTAÝ. QazAqparat – Aqtaýlyqtar 7-shaǵynaýdandaǵy eski oıyn alańynyń ornyna medıtsınalyq ortalyq salýǵa qarsy, dep habarlaıdy QazAqparat tilshisi.

Uqsas jańalyqtar

Ómirzaq Shókeev Túrkistanda júrgizilip jatqan qurylys nysandaryn aralady

Tólebı aýdanynda sporttyq nysandar boı kóteredi Qazaqstanda 2021 jyly 6 myń shaqyrym jol salynady Aldaǵy bes jylda Almaty oblysynda 5 mln 400 myń sharshy metr turǵyn úı salynady

Al, jeke kásipker keńes ókimetinen qalǵan eski temir-tersektiń ornyna basqa jerden, biraq, úılerdiń qasynan jańa balalar oıyn alańy men eresekterge arnalǵan jańa jattyǵý ornyn ashyp bermek.

Burynǵy orynnan jańa medıtsınalyq ortalyqtyń bir bóligin ashýdy josparlap otyr.

Shý shyqqan oıyn alańy 7-shaǵynaýdannyń 28,29,30 úıleriniń janynda tur. Ótken aptada tozyǵy jetip turǵan alańdy súrip tastaǵan. Muny kórgen kópshilik shý ete qalypty.

«Oıyn alańy bizge qajet. Jan-jaǵymyz kólik joly, balalardyń oınaýyna oryn kerek. Bul jerde balalar 9-dan keshki 7-ge deıin júredi», - deıdi turǵyndar.

Balalar alańyna jaqyn ornalasqan №28/1-shi ǵımarat jeke menshikte. Nysan ıesi sharýashylyǵyn keńeıtý úshin kólemi 300-350 sharshy metr jer qajettigin aıtady.

Ol óz qarjysyna eski oıyn alańynyń ornyna jańa 2 alań salyp beremin dep otyr. Ol úshin isker áıel aldymen ýádesin oryndap, sodan soń ǵana medıtsınalyq ortalyqtyń qurylysyn júrgize alady.

«Pandemııa kezinde medıtsınalyq qural-jabdyqtyń jetispeýshiligi sezilgeni ras. Qazirgi tańda Aqtaýǵa sońǵy úlgidegi zamanýı quraldardy ákelemiz. Ol úshin myna jer qajet. Onyń ornyna 30-shy úıdiń janyndaǵy bos turǵan aýmaqqa balalarǵa jáne eresekterge arnalǵan eki oıyn alańyn salyp berýge daıynmyn. Qazir turǵyndardyń kelisimin alyp júrmiz. Al, burynǵy oıyn alańynyń súrilýine bizdiń qatysymyz joq», -deıdi jeke kásipker Alýash Kenjebaeva.

Sońǵy úlgidegi bir oıyn alańyn salýǵa keminde 4 mln teńge qajet. Qazirgi ýaqytta 68 turǵyn usynysyn qoldap, qaǵazǵa qol qoıypty.

Qalyp turǵan daýysty túgel jınaǵan jaǵdaıda birden qala ákimdigine júginip, óz jobasyn usyna alady.

«Atalǵan jer ýchaskesi qazirgi tańda memleket menshigine rásimdelgen. ıAǵnı, jeke nemese zańdy tulǵaǵa rásimdelmegen. Sonymen qatar, álgi jer teliminde qandaı da bir qurylys júrgizýge qatysty kásipkerden ákimdikke jazbasha ótinishtiń kelip túspegenin habarlaımyn», - deıdi Mańǵystaý oblysy jer qatynastary, sáýlet jáne qala qurylysy bóliminiń bas mamany Erkebulan Ǵabdolov.

Qazir balalar oıyn alańy turǵan jer ýchaskesi memleket menshiginde.

Apta basynda turǵyn úı-kommýnaldyq sharýashylyq bóliminiń tapsyrysymen mundaǵy qural-jabdyq alynyp tastalǵan.

Bul orynda memlekettik baǵdarlama aıasynda jańa oıyn alańy salynatyny da aıtyldy.

Oǵan qarjy bólingenge deıin kásipker turǵyndardyń kelisimin alyp, ákimdikke barsa, jaǵdaı ózgerýi de múmkin.