+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Aqtaýda Jeńis kúni qalaı toılanýda

2021 jylǵy 9 mamyr 14:42
Bólisińiz:
Aqtaýda Jeńis kúni qalaı toılanýda

AQTAÝ.QazAqparat - Aqtaýda ardagerler «Máńilik alaýǵa» eske alý gúl shoqtaryn qoıdy. Qasıeti men qasireti qatar órilgen Uly Jeńistiń 76 jyldyǵyna oraı, etigine qan tolyp, tolarsaqtan saz keshken jyldary oq daýylynyń ishinde attan salǵan jaýyngerler men sheıit bolǵan talaı bozdaqtardyń rýhyna taǵzym etti, dep habarlaıdy QazAqapart tilshisi.

Máńgilik alaý janyna Dańq gúl tizbegi ákelinip, sodan soń bir mınýt únsizdik jarııalandy.

«Batyrlardyń soǵystaǵy erligi adamzat jadynda máńgi saqtalady. Mıllıondaǵan adamdar maıdan dalasynda bastaryn qaterge tikti, bizdiń beıbit bolashaǵymyz úshin qaza tapty. Olardyń esimderi men erlikteri eshqashan umytylmaıdy. Barshańyzdy osy Uly Jeńis kúnimen quttyqtaımyn», - dedi Mańǵystaý oblystyq ardagerler keńesiniń tóraǵasy Serikbaı Tóletov.

Sondaı-aq, oblys ákimi Serikbaı Trumov soǵys ardageri Bısen Boqaevtyń úıine baryp, quttyqtady.

Bısen ataı bıyl 98 jasqa tolady. 18 jasynda armııaǵa alynǵan. Keńester odaǵy jáne Qytaı eli shekarasyndaǵy áskerı jasaq quramynda bolady. ІІ-ýkraın maıdanynda soǵysyp Belarýs, Eýropany fashızmnen azat etýge qatysady. Surapyl kezeńdegi estelikteri «Ónegeli ómir» atty kitapta oqyrmanǵa túsinikti tilmen sýrettelgen. Shaǵyn kitapta ardagerdiń ómirbaıany egjeı-tegjeıli aıtylǵan. Ásirese soǵys jyldary túsken fotosýretteri, ataıdyń kórgen-bilgeni erkin tilde jazylýy birden baýrap alady. Bısen Boqaev aýyl mektebinde 7 synyp qana oqyǵan. Shekara áskerinde pýlemetshi bolypty. 1944 jyly fashısterdiń ıAssko-Kıshınev tobyn joıýǵa qatysady. Sol ýaqytta eki jaqtan da adam shyǵyny kóp bolǵanyn aıtady.

«Operatsııa 20 avgýste bastaldy. Nastýplenıe. Sodan nemisti rýmynmen birge tas-talqan qylyp qýdyq qoı. Kıshınevtiń ońtústiginde Baımaklıskoı deıtin toǵaı bar. Sonda kóp nemisterdi qorshap, plenge aldyq. Karpat taýynda Lbovqa jaqyn taǵysyn taǵy jerlerde bandıtter boldy ǵoı Benderovskııler deıtin. 47-shi jylǵa deıin sonymen de jaǵalastyq», - dedi UOS ardageri Bısen Boqaev.

Soǵys bitken soń Bısen Boqaev keńester odaǵy-rýmyn shekarasyndaǵy áskerge jiberiledi. 4 jyl qyzmet atqaryp, esen-saý elge oralady. Otbasy quryp, 9 perzent súıedi. Búginde 30-dan astam nemere men shóbere qyzyǵyn kórip otyr.

Bıyl Mańǵystaý óńirinde jeńistiń 76 jyldyǵyn kózi tiri 6 soǵys ardageri qarsy aldy. Árqaısyna jergilikti bıýdjetten 1 mln teńge áleýmettik kómek kórsetildi. Sondaı-aq 675 tyl eńbekkeri qarjylaı qoldaý alyp otyr.


Bizdiń kanalymyzǵa jazylyńyz:

Bólisińiz:

Avtor:

Qarakóz Marat

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059

MURAǴAT