Jańalyqtar  >
Aqtaýda jańa týǵan sábıdiń óńeshine operatsııa jasaldy
2022 jylǵy 18 tamyz 02:01

Aqtaýda jańa týǵan sábıdiń óńeshine operatsııa jasaldy

AQTAÝ. QazAqparat - Aqtaýda jańa týǵan shaqalaqqa operatsııa jasaldy. Kúrdeli operatsııany «Ana men bala» ortalyǵynda balalar hırýrgi Qurman Qaıranov jasady,- dep habarlaıdy QazAqparat tilshisi.

«Sábıdiń salmaǵy 1 keli 500 gramm. Bul - salmaǵy az balaǵa jasalǵan alǵashqy tilik. Bilikti mamandardyń arqasynda uzaqqa sozylǵan aýyr operatsııany náreste jaqsy kóterip shyqty»,- deıdi dáriger Qurman Qaıranov.

Náresteniń týǵanda óńeshi biteý bolǵan. Oǵan jasalǵan operatsııa barysynda keýde tusy ashylǵan. Operatsııa 1,5 saǵatqa sozylǵan.

Sábı aman-esen úıine shyǵarylǵan. Endi tolyq saýyǵyp ketkenshe mamandardyń baqylaýynda bolady.



Uqsas jańalyqtar
Seriktester jańalyqtary

Jańalyqtar

Úrdis

MURAǴAT