Aqtaýda shańdy daýyl soǵyp tur
2022 jylǵy 4 sáýir 19:33

Aqtaýda shańdy daýyl soǵyp tur

AQTAÝ. QazAqparat – Aqtaýda shańdy daýyl basylmaı tur, dep habarlaıdy QazAqparat tilshisi.

Bir táýlik buryn oblystyq TJD jeldiń ekpini sekýndyna 20 metrge deıin kúsheıetini týraly eskertken bolatyn. Osyǵan baılanysty, turǵyndarǵa shuǵyl qajettiliksiz kóshege shyqpaý, al kólikti aǵashtar men qaýipti nysandardan aýlaq qoıý usynyldy.

Departament taratqan málimetke sáıkes, qazirgi ýaqytta respýblıkalyq jáne oblystyq mańyzy bar joldar ashyq. Polıtseıler kúsheıtilgen jumys rejımine kóshti. Osylaısha, jol apattarynyń aldyn alý sharalary qaralyp jatyr. Shańdy daýyl aımaqta erteń de basylmaýy yqtımal.

«5 sáýirde Mańǵystaý oblysynyń ońtústiginde shańdy daýyl kóterilýi múmkin. Soltústik-batystan ońtústik-shyǵysqa aýysyp, oblystyń ońtústiginde 15-20 m/s jyldamdyqpen jel soǵady. Daýyldy eskertý kezinde tereze jaqtaýlaryn múmkindiginshe bekitken jón. Balalardy qaraýsyz qaldyrýǵa bolmaıdy», - dep habarlady oblystyq TJD.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT